मोबाइल निर्माता कम्पनी हुवावेले ल्यायो पहिलो इलेक्ट्रिक एसयूभी, १ हजार किमी सम्म रेन्ज दिने

चीनमा मोबाइल फोन निर्माता कम्पनीले इलेक्ट्रिक कार निर्माण गर्ने चासो देखाइरहेका छन् । शाओमीले इलेक्ट्रिक कार निर्माण गर्ने घोषणा पछि हुवावे कम्पनी पनि ईभी क्षेत्रमा प्रवेश गर्ने भएको छ ।

हुवावेले सांघाई अटो शो २०२१ मा पहिलो इलेक्ट्रिक कार सिरिस हुवावे स्मार्ट सेलेक्सन एसएफ५ प्रदर्शन गरेको छ । सो इलेक्ट्रिक कार चीनको क्यालिफोर्निया इलेक्ट्रिक कार निर्माता कम्पनी सिरिसले डेभलप गरेको हो । चीनमा सो कार आगामी मे देखि बिक्री गरिनेछ ।

हुवावे एसएफ५ इलेक्ट्रिक कारमा २ इलेक्ट्रिक मोटर समावेश गरिएको छ । सो मोटरले ५५० पीएसको पावर र ८२० एनएमको टर्क जेनेरेट गर्छ । रिपोर्ट अनुसार सो बाइक फुल चार्जिङमा १००० किलोमिटरको रेन्ज प्रदान गर्छ । यद्यपि सो रेन्ज एक्सटेन्डको मदतले हासिल गर्न सकिन्छ । सो बाइकमा १.५ लिटर ४ सिलिन्डर इन्जिन समावेश गरिएको छ । सो कार ४.८६ सेकेन्डमा ० देखि १०० किलोमिटर प्रति घन्टाको स्पिडमा गुड्ने क्षमता रहेको छ ।

हुवावे एसएफ५ इलेक्ट्रिक कारमा क्याबिनको ड्यासबोर्डमा २ स्क्रिन समावेश गरिएको छ । एक स्क्रिन स्टेयरिङ ह्वीलको पछाडि र दोस्रो स्क्रिन सेन्टर कन्सोलमा समावेश गरिएको छ । सो कारमा भ्वाइस कन्ट्रोल जस्ता फिचर पनि समावेश गरिएको छ ।

कारमा हुवावे एपको एक सिरिज पनि समावेश गरिएको छ । कारको लम्बाई ४.७ मिटर, चौडाई १.९३ मिटर, उचाई १.६२५ मिटर र ह्वीलवेस २८७५ एमएम रहेको छ ।

सो कारको फ्रन्ट सिटमा भेन्टिलेसन, हिटिङ र मसाज जस्ता फङ्सन उपलब्ध रहेको छ । कम्पनीका अनुसार सो इलेक्ट्रिक कारमा राडार र अल्ट्रासोनिक सेन्सर पनि समावेश गरिएको छ । सो टेक्नोलोजीको मद्दतले ट्राफिक जामको स्थितिमा, ठक्कर दिने चेतावनी, अटो इमरजेन्सी ब्रेकिङ र लेन चेन्ज सिस्टम जस्ता फिचर रहेको छ । साथै इन्टेलिजेन्ट सिट कस्टमाइजेसन जस्ता फिचर पनि समावेश गरिएको छ ।

सो इलेक्ट्रिक कार ४ कलर डिप ओशन ब्लु, चारकोल ब्ल्याक, पर्ल ह्वाइट र टाइटेनियम सिल्भर ग्रे रङमा प्रस्तुत गरिएको छ । यसको साथै यसमा मिडनाइट ब्ल्याक, गार्नेट रेड र आइभरी ह्वाइट इन्टेरियर ट्रिम उपलब्ध रहेको छ ।