अनर एडिसनमा आउँदै बीवाईडी डल्फिन, सिंगल चार्जमा ५२० किमी रेन्ज दिने

बीवाईडीको बेस्ट सेलिङ ह्याचब्याक डल्फिन अब थप परिमार्जनका साथ आउने भएको छ । आगामी फेब्रुअरी २३ मा सार्वजनिक गरिने सो ह्याचब्याकलाई ‘अनर एडिसन’ भनिने छ । पहिलेको भन्दा यसमा फिचर थप हुनुका साथै मूल्य समेत कम हुनेछ ।

हालको डल्फिनमा ४५ किलोवाट आवरको एलएफपी ब्याट्री अप्सन उपलब्ध छ र यसले सिंगल चार्जमा ४२० किलोमिटर रेन्ज दिने बताइएको छ । २०२४ अपडेटमा भने ६० किलोवाट आवरको ब्याट्री हुनेछ भने सिंगल चार्जमा ५२० किलोमिटरको रेन्ज दिनेछ ।

यसमा हुने मोटर भने पहिलेकै जस्तो हुनेछ, जसले ७० किलोवाटको पावर र १८० एनएम टर्क जेनेरेट गर्छ । त्यसैगरी लम्बाई, चौडाई र उचाई पनि उस्तै अर्थात क्रमशः ४१२५, १७७० र १५७० एमएम हुनेछ भने ह्विलबेस २७०० एमएम हुनेछ ।

गाडी भित्र पनि धेरै परिवर्तन हुनेछ । यसमा नयाँ टाइप–सी चार्जिङ पोर्ट र ५० वाटको वायरलेस चार्जिङ पोड हुनेछ । त्यसैगरी फ्रन्ट सिट भेन्टिलेसन सहित सिट अपग्रेड हुनेछ भने रियर प्राइवेसी ग्लास हुनेछ ।

अन्य विभिन्न फिचर र थप जानकारी भने फेब्रुअरी २३ मा सार्वजनिक गरिने छ ।

बीवाईडी डल्फिन नेपाली बजारमा पनि उपलब्ध छ । यसको मूल्य ३९ लाख ८० हजार रुपैयाँ रहेको छ ।