यस्तो छ नयाँ लुक र एड्भान्स फिचरले सुसज्जित होन्डाको पासपोर्ट एसयूभी

होन्डाले आफ्नो चौथो पुस्ताको होन्डा पासपोर्ट एसयूभी विश्व बजारमा ल्याएको छ । नयाँ होन्डा पासपोर्ट हालको मोडल भन्दा अलि ठुलो छ। यसको लुक पहिलेको भन्दा धेरै सीधा र बलियो बनाइएको छ। साथै यसलाई पहिलेभन्दा धेरै अफ-रोडिङ बनाइएको छ ।

नयाँ पासपोर्ट एसयूभीलाई अघिल्लो मोडलको तुलनामा राम्रो लुक दिइएको छ । यसको अगाडि ठुला र बक्सी आकारको हेडल्याम्प, फराकिलो हुड स्कूपसहितको फ्ल्याट क्ल्यामसेल हुड, कन्ट्रास्टिङ ब्ल्याक र दुई वटा स्लेटसहितको स्ट्रेट ग्रिल समावेश गरिएको छ। साथै अगाडिको बम्परको माथि फराकिलो एयर ड्याम प्रदान गरिएको छ ।

यसको साइड प्यानलमा फ्लेयर फन्डर, ह्विल आर्च वरिपरि प्लास्टिक क्ल्याडिङ र कन्ट्रास्टिङ ब्ल्याक डोर ह्यान्डल दिइएको छ । नयाँ पासपोर्टको ग्राउण्ड क्लियरेन्स अघिल्लो मोडलको भन्दा बढी छ । यसमा ३१ इन्च ठुला टायरसहित १८ इन्च अलोय ह्विल छ । पछाडि र्‍याप अराउन्ड विन्डस्क्रिन, रेजिष्ट्रेसन प्लेट हाउसिङको माथि कालो कन्ट्रास्टिङ ट्रिम र फक्स सिल्भर स्किड प्लेट दिइएको छ ।

नयाँ होन्डा पासपोर्टको इन्टेरियर अघिल्लो मोडल जस्तै राखिएको छ । यो ५ सिटर एसयूभीमा ड्यासबोर्डका लागि सबै कालो थिम दिइएको छ । यसमा १२.४ इन्चको इन्फोटेनमेन्ट स्क्रिन र १०.२ इन्चको डिजिटल इन्स्ट्रयुमेन्ट क्लस्टर छ । साथै यसमा ड्युअल जोन क्लाइमेट कन्ट्रोल, ३६० डिग्री क्यामेरा र एडीएएस जस्ता फिचर उपलब्ध गराइएको छ ।

नयाँ होन्डा पासपोर्टमा ३.५ लिटरको भि६ पेट्रोल इन्जिन छ, जसले २८५ एचपी पावर जेनेरेट गर्छ। यसको इन्जिन १० स्पिड अटोमेटिक ट्रान्समिसनसँग जोडिएको छ।