७४५ सिसीको स्कुटर उत्पादन गर्न होन्डाले भारतमा लियो एक्स एड्भेन्चरको ट्रेडमार्क

होन्डाले भारतमा एक्स–एड्भेन्चर नाममा मोटरसाइकल तथा स्कुटर उत्पादन गर्न यसको ट्रेडमार्क लिएको छ । यो मोडलको नाममा होन्डाले अनौठो एबं फरक विशेषताका स्कुटर र मोटरसाइकल उत्पादन गरी विश्व बजारमा बिक्री गर्दै आइरहेको छ ।

यो मोडलको नाममा बिशेषत म्याक्सी स्कुटर र एड्भेन्चर मोटरसाइकल उत्पादन हुँदै आइरहेको छ । यसको ट्रेडमार्क लिएपछि भने अब यी टु ह्विलर भारतमा समेत उत्पादन हुने भएको हो ।

ट्रेडमार्क लिएसंगै होन्डाले भारतमा यो मोडलको नाममा ७४५ सिसीको एड्भेन्चर स्कुटर उत्पादन गर्ने जनाएको छ । यो स्कुटरमा होन्डाले हाल कारोबार भैरहेको एनसी ७५० एक्समा दिइएको प्यारलल ट्विन इन्जिन जाडन गर्ने बताइएको छ । जसको अधिकतम पवार ५९ एचपी र टर्क ६९ एनएम रहेनछ । यो स्कुटरमा ६ स्पिड सेमी अटोमेटिक डुअल क्लच ट्रान्समिसन उपलब्ध हुनेछ ।

त्यसैगरी अफरोडमा यात्र गर्न सहज हुनेगरी यसमा १७ र १५ इन्चको वायर स्पोक ह्विल्स र ब्लक–प्याट्रन टायर दिइनेछ । साथै अगाडी र पछाडी दुबै भागमा १५० एमएमको ट्राभल सस्पेन्सन समेत जडान गरिनेछ ।

फिचर्स लोडेड बनाउन होन्डाले यसमा किलेस इग्निसन, ब्लुटुथ सहितको ५.० इन्च टिएफटी डिस्प्ले र ५ प्रकारको राइडिङ मोड लगायत अन्य थुप्रै विशेष प्रकारका फिचर्स थप गर्न सक्ने देखिएको छ ।