होन्डाले सार्वजनिक ग-यो ४९ सीसीको स्कुटर, ७५ किलोमिटर माइलेज दिने दाबी

होन्डाले जापानमा कम सीसी क्षमताको बिशेष स्कुटर डंक सार्वजनिक गरेको छ । जम्मा ४९ सीसी क्षमताको यो स्कुटरमा फोर स्ट्रोक, एसओएचसी, सिंगल सिलिन्डर इन्जिन जडान गरिएको छ । जसको अधिकतम पावर ४.४ एचपी र टर्क ४.१ एनएम रहेको छ ।

यो स्कुटरले प्रतिलिटर इन्धनको खपतमा ७५.३ किलोमिटर माइलेज प्रदान गर्ने दाबी गरिएको छ । यति धेरै माइलेज प्रदान गर्न होन्डाले यसमा आइडलिङ स्टप सिस्टम सहितको एनहान्स्ड स्मार्ट पावर टेक्नोलोजीलाई प्रयोगमा ल्याएको छ ।

यो सानो स्कुटरमा उसले ग्याजेट चार्ज गर्न मिल्ने चार्जिङ पोर्ट सहित ग्लोव बक्स, कार्गो हुक, कप होल्डर र २३ लिटर क्षमताको अन्डर सिट स्टोरेज लगायत सुबिधा उपलब्ध गराएको छ । साथै यसमा अगाडिको चक्कामा डिस्क र पछाडि ड्रम ब्रेक दिइएको छ । जसलाई कम्बी ब्रेकसिस्टम मार्फत एकआपसमा लिंक गराइएको छ ।

यसले राइडरलाई थप सुरक्षा प्रदान गर्ने बताइएको छ । यो स्कुटरलाई जापनमा २ लाख २९ हजार जापनिज येनमा खरिद गर्न सकिनेछ ।