१६० सिसीमा आयो होण्डाको नयाँ स्कुटर, माइलेज ४५ किलोमिटर

होण्डाले नयाँ प्रिमियम स्कुटर ‘स्टाइलो’ १६० सार्बजनिक गरेको छ । स्कुटरमा १६० सिसी क्षमताको इन्जिन जडान गरिएको छ । प्रिमियम लुक्स र फिचर्सले सुसजिज्त सो नयाँ स्कुटरलाई कम्पनीले रेट्रो थिममा तयार परेको हो ।

स्कुटरमा एलइडी हेडलाइट, एलइडी डिआरएलस, एलइडी टेल लाइट, किलेस स्टार्ट र अलोई ह्विल लगायत फिचर दिइएको छ । साथै यसमा कम्बी ब्रेक सिस्टम र एबीएसको बिकल्प पाउन सकिन्छ । होण्डाको सो स्कुटरले यामाहा एरोक्स १५५ संग प्रतिस्पर्धा गर्नेछ ।

स्टाइलो १६० मा जडान गरिएको इन्जिनले १६ बीएचपीको पिक पावर र १५ एनएम टर्क जेनेरेट गर्ने जनाइएको छ । स्कुटरको मूल्य र बाँकी एड्भान्स फिचर भने सार्बजनिक गरिएको छैन । सो स्कुटरले एक लिटर पेट्रोलको खपतमा ४५ किलोमिटर रेन्ज दिने दावी गरिएको छ ।