होन्डा शाइन १२५ को विशेष संस्करण लन्च, यस्तो छ मूल्य र विशेषता

होन्डाले शाइन १२५ को नयाँ विशेष संस्करण लन्च गरेको छ । डिस्क भेरिएन्टमा आधारित सो नयाँ मोटरसाइकलको मूल्य ८६ हजार २११ भारु निर्धारण गरिएको छ ।

शाइन १२५ लिमिटेड संस्करणलाई ’पर्ल साइरन ब्लु’ नामक विशेष गाढा ब्लु कलर स्किममा तयार पारिएको छ । जसमा खैरो डेकल्स र पाइराइट ब्राउन अलोय ह्विल राखिएको छ । बाइकमा सिंगल पीस सिट र क्रोम एक्जस्ट हीट शिल्ड उपलब्ध गराइएको छ ।

विशेष संस्करण बाइकमा होन्डाले स्ट्यान्डर्ड भर्सन जस्तै १२३.९ सीसी, सिंगल सिलिन्डर, एयर–कूल्ड इन्जिन जडान गरेको छ, जसले १०.६ बीएचपी पावर र ११ एनएम टर्क जेनेरेट गर्दछ । इन्जिनलाई ५ स्पीड गियरबक्ससँग जोडिएको छ ।

सस्पेन्सन सेटअपको कुरा गर्नुपर्दा सो नयाँ एडिसनमा टेलिस्कोपिक फोर्क र पछाडि डुअल शक एब्जर्बर जडान गरिएको छ । बाइकको अगाडि चक्कामा डिस्क र पछाडि ड्रम ब्रेक दिइएको छ ।