६ महिनामै होन्डाका दुई इलेक्ट्रिक स्कुटरको उत्पादन बन्द, यस्तो छ कारण

होन्डाले गत फेब्रुअरीमा लन्च गरेको दुई नयाँ इलेक्ट्रिक स्कुटर एक्टिभा ई र क्यूसी१ को उत्पादन ६ महिना नपुग्दै बन्द गरेको छ । सोसाइटी अफ इन्डियन अटोमोबाइल म्यानुफ्याक्चरर्सद्वारा सार्बजनिक गरिएको तथ्यांक अनुसार, होन्डाले अगस्ट २०२५ देखि दुबै स्कुटरको उत्पादन बन्द गरेको हो ।

आईसिएई संस्करणको विपरीत इलेक्ट्रिक एक्टिभाको बिक्री सुस्त भएपछि कम्पनीले उत्पादन नै बन्द गरेको हो । फेब्रुअरी र जुलाई २०२५ को बीचमा होन्डाले ११ हजार १६८ युनिट इलेक्ट्रिक स्कुटर उत्पादन गरेकोमा जम्मा ५ हाजर २०१ युनिटमात्र डिलरहरूलाई पठाइएको थियो । बाँकी युनिटहरू बिक्री नभएका अवस्थामा छन् ।

बिक्री भएका ५ हजार २०१ युनिट मध्ये ४ हजार ४६१ युनिट क्यूसी१ थिए भने ७४० युनिट एक्टिभा ई थिए । पोर्टेबल चार्जरको अभाव र उच्च मूल्यका कारण एक्टिभा ईको बिक्री निकै निराशाजनक रहेको जनाइएृको छ ।

एक्टिभा ईमा होन्डाले १.५ किलोवाट आवरको ब्याट्री प्याक र ६ किलोवाट क्षमताको मोटर उपलब्ध गराएको छ । जसले एक पटक चार्ज गर्दा १०२ किलोमिटरको रेन्ज प्रदान गर्ने दाबी गरिएको छ । त्यसैगरी क्यूसी१ मा १.५ किलोवाट आवरको ब्याट्री प्याक जडान गरिएको छ ।