होन्डा, निसान र मित्सुबिशी : रोकियो मर्जर प्रक्रिया

जापानी अटोमोबाइल निर्माता होन्डा, निसान र मित्सुबिशीले व्यापार एकीकरणमा आफ्नो वार्ता रोकिएको छ ।

होन्डा मोटर कम्पनी र निसान मोटर कर्पोरेशनले डिसेम्बरमा संयुक्त होल्डिङ कम्पनी स्थापना गर्ने घोषणा गरेका थिए । यी दुई कम्पनीले सुरुमा जुन महिनासम्ममा सम्झौतालाई अन्तिम रूप दिने र अगस्ट महिनासम्ममा होल्डिङ कम्पनी स्थापना गर्ने प्रयास गरिरहेको बताएका थिए । यसमा मित्सुबिशी मोटर्स कर्पोरेशन पनि सामेल हुने विचार गरिरहेको बताइएको थियो ।

तर हाल आएर यी दुई कम्पनीबीचको वार्ता रोकिएको छ । रिपोर्टका अनुसार होन्डाले निसानलाई आफ्नो सहायक कम्पनी बनाउन चाहेको प्रस्ताव राखेपछि निसानले असहमति जनाएको थियो । यसले ६० अर्ब डलरभन्दा बढीको संयुक्त उद्यमलाई परित्याग गर्न बाध्य बनायो ।

यस निर्णयपछि, टोकियो स्टक एक्सचेन्जमा निसानको सेयर मूल्य ४ प्रतिशतभन्दा बढीले घटेको थियो भने होन्डाको सेयर मूल्य ८ प्रतिशतभन्दा बढीले बढेको थियो । जसका कारण निसानले ९ हजार कर्मचारी र विश्वव्यापी क्षमताको २० प्रतिशत कटौती गर्नु परेको थियो ।