त्रिपुरेश्वरमा होन्डा मोटरसाइल र स्कुटरको नयाँ ‘थ्री एस शोरुम’

काठमाडौं–होन्डा मोटरसाइकल तथा स्कुटरको नेपालका लागि आधिकारिक वितरक स्याकार ट्रेडिङले त्रिपुरेश्वरमा नयाँ थ्री एस (सेल्स, सर्भिस, स्पेयर पार्टस्) शोरुम सञ्चालनमा ल्याएको छ ।

ग्राहकलाई एकै छानामुनि बिक्री, सेवा तथा जेनुइन स्पेयर पाट्र्स सुविधा उपलब्ध गराउने उद्देश्यले नयाँ शोरुम सञ्चालनमा ल्याएको हो ।

उक्त उद्घाटन कार्यक्रममा स्याकार ट्रेडिङ कम्पनीका अध्यक्ष सौरभ ज्योतिले होन्डा नेपालको लागि यो दिन एउटा ठूलो दूरदृष्टिको प्रतीक भएको बताए । उनले होन्डा मोटर्स र स्याकार ट्रेडिङ कम्पनीबिचको उत्कृष्ट तालमेलले होन्डा विगत १० वर्षभन्दा बढी समयदेखि नेपालमा नम्बर १ ब्रान्डको स्थान सुरक्षित गर्न सफल भएको बताए ।

ज्योतिले होन्डाका सवारी साधनको टिकाउपन, विश्वसनीयता र गुणस्तरमा केन्द्रित रहेको बताए । उनले यो थ्रिएस सेन्टरले विश्वस्तरीय सेल्स शोरुम, उन्नत प्रविधियुक्त सर्भिस सेन्टर र ग्यारेन्टीसहितको जेन्युन स्पेयर पाट्र्सको उपलब्धता सुनिश्चित गर्ने प्रतिबद्धता व्यक्त गरे ।

नयाँ शोरुम उद्घाटन समारोहमा होन्डा मोटर कम्पनीका उपाध्यक्ष तथा एसिया तथा ओसिनिया क्षेत्रीय इकाई प्रमुख एवं एसोसिएटेड रिजन अपरेसन्स प्रमुख तोसिओ कुवाहारा, होण्डा मोटरसाइकल बिजनेस युनिटअन्तर्गत सेल्स डिभिजन, सेल्स डिपार्टमेन्ट-२ का विभागीय प्रबन्धक योशिकी कामिओ र मोटरसाइकल बिजनेस युनिटअन्तर्गत सेल्स डिभिजन, सेल्स डिपार्टमेन्ट-२ अन्तर्गतकै प्रतिनिधि पीआइसी कोजिरो कामिया पनि उपस्थित थिए ।