होन्डाले स्मार्ट टेक्नोलोजी र हाईटेक फिचर भएको दुई इलेक्ट्रिक एसयूभी ल्याउँदै

होन्डाले कन्ज्युमर इलेक्ट्रोनिक्स शो (सीईएस २०२५) मा जिरो सिरिज अन्तर्गत होन्डा जिरो एसयूभी र होन्डा जिरो सलोन कारको प्रोटोटाइप प्रस्तुत गरेको छ । साथै उक्त शोमा कम्पनीले कारमा प्रयोग हुने अपरेटिङ सिस्टम पनि पेश गरेको छ ।

कम्पनीले पेश गरेको सो कार मिड साइज इलेक्ट्रिक एसयूभीको प्रोटोटाइप हो । जिरो सिरिज अन्तर्गत ल्याइएका दुवै कारको डिजाइन पनि विशेष राखिएको छ । ईभी आर्किटेक्चरमा आधारित सो कारमा कम्पनीले सुरक्षाका लागि लेभल-३ एडास पनि उपलब्ध गराउनेछ।

यसमा एक्सटेरियर र इन्टेरियरलाई निकै फ्युचरिस्टिक बनाइएको छ । यसको रुफ र ढोकामा एम्बियन्ट लाइट, स्पोर्टी स्टाइल सिट, नयाँ डिजाइन गरिएको स्टेयरिङ ह्विल, ठुलो स्क्रिन इन्फोटेनमेन्ट सिस्टम र इन्स्ट्रयुमेन्ट क्लस्टर, फ्रेम लेस डोर, असिमो अपरेटिङ सिस्टम, थ्रीडी जाइरो सेन्सर जस्ता फिचर समावेश छ । यसलाई सेल्फ ड्राइभिङ कारको रूपमा पनि प्रयोग गर्न सकिन्छ।

सो प्रोटोटाइप मोडल सीईएस २०२४ मा स्पेस हब कन्सेप्ट मोडलमा आधारित सीईएस २०२५ मा ल्याइएको कम्पनीले जानकारी दिएको छ । कम्पनीले सलोन मोडल पहिले लन्च गर्नेछ र यसलाई सन् २०२६ मा उत्तर अमेरिकी बजारमा ल्याइनेछ। त्यसपछि यसलाई जापान र युरोपका देशमा बिक्रीको लागि उपलब्ध गराइनेछ।

भविष्यमा क्रमशः भारत वा नेपालका बजारमा पनि यो गाडी उपलब्ध हुने अनुमान गर्न सकिन्छ ।