होन्डा एलिभेटको नयाँ संस्करण चाँडै लन्च हुने तयारीमा

होन्डाले भारतीय बजारमा आफ्नो लोकप्रिय मध्यम आकारको एसयूभी एलिभेटको नयाँ संस्करण लञ्च गर्ने तयारी गरिरहेको छ। कम्पनीले सो एसयूभीको टिजर सामाजिक सञ्जालमार्फत सार्वजनिक गरेको छ।

रिपोर्टका अनुसार नयाँ संस्करणलाई ‘एक्सप्लोरर एडिशन’ भनेर चिनाइने सम्भावना देखिन्छ । एसयूभीको टिजरमा पनि बोल्डमा एक्सप्लोरर जस्ता शब्दको प्रयोग गरिएको छ, जसले एसयूभीको डिजाइन थप आकर्षक बनाएको छ ।

यद्यपि कम्पनीले सो एसयूभीको लञ्च मिति घोषणा गरेको छैन। तर रिपोर्टका अनुसार नयाँ एलिभेट यही महिना भित्रै बजारमा लन्च हुने अनुमान गरिएको छ। यसअघि आएको एपेक्स संस्करणपछि एलिभेटको यो दोस्रो विशेष संस्करण हुनेछ।

यसको मूल्यको विषयमा पनि आधिकारिक जानकारी आउन बाँकी छ। तर रिपोर्टका अनुसार नयाँ डिजाइन र सुविधाका कारण अन्य मोडलको तुलनामा केही महँगो हुने अनुमान गरिएको छ।

होन्डा एलिभेटले मध्यम आकारको एसयूभी सेग्मेन्टमा हुन्डाई क्रेटा, टाटा ह्यारियर, मारुती ग्रान्ड भिटारा, किया सेल्टोस र टोयोटा अर्बन क्रुजर हाइराइडरसँग प्रतिस्पर्धा गर्नेछ ।