२०७७ चैत ३० सोमबार,

नेपाल भित्रियो होन्डाको बीएस६ डियो, यस्तो छ मूल्य र विशेषता

Post adv

काठमाडौं – नेपाली बजारमा बीएस६ इन्जिनयुक्त होन्डा डियो स्कुटर भित्रिएको छ । नेपालका लागि होन्डाको आधिकारिक वितरक स्याकार ट्रेडिङ कम्पनीले सो स्कुटर सोरुमहरुमा डिस्प्ले गरेर बिक्रीका लागि उपलब्ध गराएको छ ।

नेपाली बजारमा समेत लोकप्रिय मानिएको होन्डा डियो बीएस६ भर्सनमा अझै परिस्कृत बनेको छ । यसमा इन्जिनका साथै अन्य फिचरमा समेत केही परिवर्तन गरिएको छ । स्पोर्टी डिजाइनमा उपलब्ध डियोमा आधुनिक प्रविधि प्रयोग गरिएको छ ।

बीएस६ डियोमा एफआई इन्जिन छ । यद्यपि यसको पावर र पर्फमेन्समा भने खासै परिवर्तन गरिएको छैन । यसमा ११० सीसीको सिंगल सिलिन्डर इन्जिन प्रयोग गरिएको छ, जसले ७.६८ एचपी पावर र ८.७९ एनएम टर्क जेनेरेट गर्छ ।

होन्डा डियो बीएस६ स्कुटरमा टेलिस्कोपिक फ्रन्ट सस्पेन्सनका साथै नयाँ सिग्नेचर ग्रिल, नयाँ टेलल्याम्प र फुल डिजिटल मिटर उपलब्ध छ । त्यसैगरी नयाँ सिग्नेचर एलईडी पोजिसन ल्याम्प, स्प्लिट ग्र्याबरेल, सार्पर लोगो र नयाँ बडी ग्राफिक्स दिइएको छ ।

Advertise Eleven Advertise Ten Advertise Nine

स्कुटरमा इन्जिन स्टार्ट स्टप बटन, युनिक इन्टिग्रेटेड फङ्सन र बिम कन्ट्रोलर स्विच पनि उपलब्ध छ । कार्बन फाइबर प्रयोग गरिएकाले यसको लुक अझै आकर्षक देखिएको छ ।

स्ट्यान्डर्ड र डिस्क गरी दुई भेरिएन्टमा उपलब्ध सो स्कुटरको मूल्य क्रमशः २ लाख ३९ हजार ९ सय र २ लाख ६५ हजार ९ सय रुपैयाँ तोकिएको छ ।

यो भन्दा पहिले नेपाली बजारमा उपलब्ध होन्डा डियोको मूल्य क्रमशः २ लाख २ हजार ९ सय र २ लाख १६ हजार ९ सय रुपैयाँ छ ।

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...