होन्डा डियो १२५ को नयाँ संस्करण सार्बजनिक, के–के छ फिचर ?

होन्डाले आफ्नो लोकप्रिय स्कुटर डिओ १२५ को नयाँ संस्करण लन्च गर्ने प्रक्रियालाई अन्तिम चरणमा पुर्याएको छ । एक्स–एडिसनको नामले आउने तयारीमा रहेको सो स्कुटरलाई कम्पनीले सार्वजनिक गरेको छ । स्कुटर छिट्टै लन्च हुने अपेक्षा गरिएको छ ।

डियो १२५ एक्स–एडिसन अरेन्ज कलरको एलोय ह्वीलसहित पर्ल साइरन ब्लू र पर्ल डीप ग्राउन्ड ग्रेको बोल्ड डुअल–टोन कलर स्किममा आउने जनाइएको छ । जुन हाल बिक्री भइरहेको रेगुलर डिओभन्दा निकै आकर्षक र स्पोर्टी देखिनेछ ।

स्कुटरमा डिजिटल इन्स्ट्रुमेन्ट कन्सोल राखिएको छ, जसले स्मार्टफोन कनेक्टिभिटी, कल/एसएमएस अलर्ट र टर्न–बाई–टर्न नेभिगेसन जस्ता सुविधाहरू प्रदान गर्दछ । यसमा यूएसवी टाइप–सी चार्जिङ पोर्ट पनि उपलब्ध छ ।

पावरट्रेनको कुरा गर्नुपर्दा, एक्स–एडिसन स्ट्यान्डर्ड डियो १२५ जस्तै छ । स्कुटरमा १२४ सीसी, एकल–सिलिन्डर इन्जिन जडान गरिएको छ, जसले ८.२ बीएचपी र १०.५ एनएम टर्क जनेरेट गर्दछ ।