१२५ सिसीको होन्डा डिओ अटो शोमा, यस्तो छ दुई भेरिएन्टको मूल्य

काठमाडौं– छ दिनसम्म चलेको नाडा अटो शो–२०२३ आज समापन हुँदैछ । मेलामा होन्डाले १२५ सिसीको नयाँ डिओलाई प्रदर्शनीमा राखेको छ । होन्डाको नेपालका लागि आधिकारिक वितरक स्याकार ट्रेडिङ कम्पनीले यो नयाँ स्कुटरको स्ट्यान्डर्ड भेरिएन्टलाई ३ लाख र डिलक्सको ३ लाख ९ हजार रुपैयाँ निर्धारण गरेको छ । डिओ यसअघि ११० सिसीमा मात्र उपलब्ध थियो ।

नयाँ डिओमा १२३.९ सीसी क्षमता भएको एयर कुल्ड एफआई इन्जिन रहेको छ । उक्त इन्जिनले ८.१४ बे्रकहर्स पावर र १०.३ एनएमको टर्क जेनेरेट गर्छ । यसमा मोर्डन टेल ल्याम्प, नयाँ स्प्लिट ग्रयावरेल, डिस्कब्रेक, अलोय ह्वील, नयाँ ग्राफिक्स डिजाइन, नयाँ बोल्ड लोगो, डुवल आउटलुट मफलरको साथ क्रोम फिनिसिङले स्कुटरको लुक्स पहिलेभन्दा थप स्पोर्टी देखिएको छ ।

यसमा डिजिटल स्पीडोमिटर र डिजिटल डिस्प्ले दिइएको छ । साथै यसमा आइडल स्टप सिस्टम, १२ इन्चको फ्रन्ट ह्वील, टेलिस्कोपीक सस्पेन्सन, कम्बी ब्रेकिङ सिस्टम, १८ लिटर अन्डर सिट स्टोरेज स्पेस, स्मार्ट स्टार्ट, स्मार्ट फाइन्ड, स्मार्ट अनलक, साइड स्ट्यान्ड इन्डिकेटर, स्मार्ट कि, एलइडी हेडलाइट, एलइडी पोजिसन लाइट, ब्याट्री इन्डिकेटर, सर्भिस ड्यू इन्डिकेटर लगायत फिचर पाउन सकिन्छ ।