होण्डा सिटी अब ह्याचब्याकमा पनि

जापनिज अटो निर्माता होण्डाले आफ्नो लोकप्रिय सेडान कार सिटीलाई ह्याचब्याकमा पनी उतारेको छ । कम्पनीले सिटी ह्याचब्याकलाई थाइल्याण्डमा लन्च गरेको हो । उक्त ह्याचब्याक कार हालको नयाँ जेनरेशन सिटी सेडान जस्तै प्लेटफर्ममा आधारित छ ।

सो नयाँ कारमा १६ इन्च एलोय ह्वील, अपडेटेड एलईडी हेडलाइट एबं टेल लाइट र डुअल–टोन पेन्ट विकल्प सहितको ट्वीक फ्रन्ट ग्रिल उपलब्ध गराइएको छ ।

कारको इन्टेरियर सिटी सेडानसँग मिल्दोजुल्दो छ । यसमा ७ इन्चको डिजिटल इन्स्ट्रुमेन्ट क्लस्टर, वायरलेस एन्ड्रोइड अटो र एप्पल कारप्ले, ८ इन्चको टचस्क्रिन इन्फोटेनमेन्ट प्रणाली, रेन सेन्सिङ वाइपर, वाक–अवे अटो लक÷अनलक, एडाप्टिभ क्रुज कन्ट्रोल र होन्डा सेन्सिङ सुइट जस्ता सुविधाहरू पाउन सकिन्छ । कारमा एडास २ सहित अन्य थुप्रै प्रकारका सेफ्टि फिचर दिइएको छ ।

सो नयाँ कार १.० लिटर टर्बोचार्ज्ड इनलाइन–३ भीटेक इन्जिन, १.५ लिटर ४–सिलिन्डर आई–भीटेक पेट्रोल हाइब्रिड र १.५ लिटरमै ईभी हाइब्रिड र इन्जिन मोडमा चालउन मिल्ने ई–सिभीटी गियरवक्समा उपलब्ध छ ।