होन्डा सिटीको हाइब्रिड भर्सन आउने

जापजिन अटो निर्माता होन्डाले सिटी सेडानको हाइब्रिड भर्सन भारतमै उत्पादन गर्ने भएको छ । मिडिया रिपोर्टका अनुसार हाल यो कारको उत्पादन शुरु हुने चरणमा रहेको छ । जसलाई कम्पनीले हालै लन्च गरिएको पाँचौ जेनेरेशन कम्वस्टन इन्जिन जडित होन्डा सिटीकै प्लेटफर्ममा उत्पादन गर्ने जनाइएको छ ।

सिटी हाइब्रिडमा दुइवटा इलेक्ट्रिक मोटर सहितको १.५ लिटरको पेट्रोल इन्जिन जडान हुने भएकोे छ । यसको संयुक्त पावर ११० पिएस र टर्क २५३ एनएम रहनेछ । २ वटा इलेक्ट्रिक मोटरमध्य एउटाले इन्टिग्रेटेड स्टार्टर जेनेरेटरको रुपमा काम गर्नेछ भने अर्कोलाई फ्रन्ट एक्सलमा कनेक्ट गरिनेछ ।

यो हाइब्रिड कारलाई चालकले इलेक्ट्रिक, पेट्रोल र हाइब्रिड मोडमा चलाउन सक्नेछन् । हाइब्रिड भर्सनमा आउने भएपछि यसको माइलेज र मूल्य समेत बढ्नेछ । सिटीकै प्लेटफर्ममा होन्डाले नयाँ एसयुभी आरएस कन्सेप्टलाई समेत बजारमा ल्याउने तयारी गरिरहेको छ ।