होन्डा सिबी ३०० आरको बिएस६ भर्सन थप पावरफुल हुने

भारतीय बजारमा लन्च हुने अन्तिम तयारीमा रहेको होन्डा सिबी ३०० आर बिएस ६ यसअघिको बिएस ४ को तुलनमा थप पावरफुल हुने भएको छ । यो बाइकलाई होन्डा मोटर्स इन्डियाले यसै महिनाको अन्तिमसम्म सार्बजनिक गर्ने बताएको छ ।

यसअघिको २८६ सिसी सिंगल सिलिन्डर इन्जिनले ८ हजार आरपिएममा ३०.४५ एचपी पावर दिँदै आएकोमा नयाँ बिएस६ मोडलले ९ हजार आरपिएममा ३१.११ एचपी पावर दिने दाबी गरिएको छ ।

साथै यो बाइकमा स्लिपर क्लच र फर्क ट्युवमा गोल्डेन फिनिस थप गरिएको छ भने यसअघि दिएको मेसिलिन टायरलाई परिबर्तन गरी एमआरएफ टायर दिइनेछ । पावरको आधारमा यो बाइकले बिएमडब्ल्यू जी ३०० आर र केटिएम ३९० ड्युकसंग प्रतिस्पर्धा गर्नेछ । यी दुई बाइकको पावर क्रमश ३४ र ४३ एचपी रहेको छ ।