होन्डाले ल्यायो चाडपर्व लक्षित ‘फेस्टिभ अफर होन्डाको सफर’, नयाँ कार किन्दा १० लाखसम्मको आकर्षक छुट

काठमाडौं - नेपालीहरुको महान चाड बडा दशैं, तिहार तथा छठ पर्वको शुभ अवसर पारेर नेपालका लागि होन्डा कारको आधिकारिक वितरक स्याकार ट्रेडिङ कम्पनी प्रालिले आफ्ना ग्राहकहरुका लागि ‘फेस्टिभ अफर होन्डाको सफर’ नामक विशेष र आकर्षक योजना सार्वजनिक गरेको छ।

ग्राहकहरुको चाडपर्वलाई अझै विशेष र खुसीयालीपूर्ण बनाउने उद्देश्यका साथ कम्पनीले यो योजना बजारमा ल्याएको बताएको छ, जसमा ग्राहकहरुले होन्डाको नयाँ कार खरिद गर्दा १० लाख रुपैयाँसम्मको आकर्षक नगद छुट प्राप्त गर्न सक्नेछन्।

साथै, यस अफर अन्तर्गत ग्राहकहरुको थप सुविधालाई ध्यानमा राख्दै नयाँ कार खरिदमा १ आर्थिक वर्षको लागि सडक कर र १ आर्थिक वर्षकै लागि पूर्ण बीमा पूर्ण रुपमा निःशुल्क उपलब्ध गराइएको छ। गाडी खरिदपछिको ग्राहक अनुभवलाई अझै उत्कृष्ट र झन्झटमुक्त बनाउन कम्पनीले ५ वर्षसम्मको लागि निःशुल्क सर्भिसिङ र १ वर्षको लागि निःशुल्क सडक सहायताको विशेष व्यवस्था समेत गरेको छ।

त्यसैगरी, पुरानो गाडी साटेर नयाँ होन्डा कार लिन चाहने ग्राहकहरुका लागि सजिलो तथा अन–द–स्पट एक्सचेन्ज सुविधाका साथै आकर्षक एक्सचेन्ज बोनसको समेत व्यवस्था यस योजनामा गरिएको छ। नयाँ गाडी खरिदलाई आर्थिक रुपले थप सहज बनाउन स्याकार हायर पर्चेज र एनआईसी एसिया बैंकसँगको सहकार्यमा आकर्षक र निकै कम ब्याजदरमा सजिलो फाइनान्सिङको सुविधा पनि यस अफरमा समावेश गरिएको छ।

कम्पनीका अनुसार यो ‘फेस्टिभ अफर होन्डाको सफर’ योजना इन्द्रजात्राको दिन अर्थात् सेप्टेम्बर २५, २०२६ देखि सुरु भई छठ पूजा अर्थात् नोभेम्बर १६, २०२६ सम्म देशभरका होन्डा कार शोरुमहरुमा लागू हुनेछ।

‘ड्राइभ अ ब्राइटर टुमरो’ भन्ने नाराका साथ ल्याइएको यस अफरमार्फत होन्डाका उत्कृष्ट कारहरु (होन्डा सीआर–भी, एलिभेट, सिटी, सिटी ईःएचईभी) शानदार छुट र सुविधाहरुसहित घर भित्र्याई आफ्नो र आफ्नो परिवारको खुसी दोब्बर बनाउन कम्पनीले सम्पूर्ण ग्राहकवर्गमा आह्वान गरेको छ। यस योजनासँग सम्बन्धित थप जानकारीका लागि ग्राहकले आफ्नो नजिकैको होण्डा कार शोरुममा सम्पर्क गर्न सक्नेछन्।