होन्डा र निसान मर्जर प्रक्रिया पुरा, मित्सुबिशी अझै अन्योलमा

होन्डा र निसान गठबन्ध प्रक्रिया पुरा भएको छ । यी दुई कम्पनीले एक महिनाअघि नयाँ होल्डिङ कम्पनी गठन गर्न सम्झौतापत्रमा हस्ताक्षर गरेका थिए । प्रारम्भमा मित्सुबिशी पनि सो गठबन्धमा सामेल हुने समाचार आए तापनि हालको लागि सो गठबन्धनबाट बाहिरिने निर्णय गरेको छ ।

रिपोर्टका अनुसार होन्डा र निसानको मर्जरबाट बनेको कम्पनी सबैभन्दा ठुलो कार कम्पनी बन्नेछ । जापानी कार निर्माता कम्पनी मित्सुबिशीले होन्डा र निसानसँगै नयाँ बनेको होल्डिङ कम्पनीमा आबद्ध हुने विचार गरेको थियो । तर हालै प्रकाशित रिपोर्ट अनुसार मित्सुबिशीले एक विज्ञप्ति जारी गरी यसको गठबन्धनको बारेमा न त पुष्टि गरेको छ न त खण्डन गरेको छ।

निसान मित्सुबिशीको २४ प्रतिशत सेयरको सबैभन्दा ठुलो सेयरहोल्डर हो। फ्रान्सेली अटोमेकर कम्पनी रेनोको निसानमा १५ प्रतिशत सेयर छ भने निसानको पनि रेनोको १५ प्रतिशत सेयर छ । मिडिया रिपोर्टका अनुसार होन्डा कम्पनीले रेनो र  निसानको साझेदारी नहोस् भन्ने चाहन्छ ।

मित्सुबिशीले अब अर्को महिनाको होन्डा र निसानको साझेदारीमा सामेल हुने वा नहुने बारे आफ्नो निर्णय घोषणा गर्नेछ ।