होन्डा अकोर्ड अपडेट भर्सन सहित अब ११औं जेनेरेसनमा

होन्डाले आफ्नो लक्जरी सेडान अकोर्डको ११औं जेनेरेसन अपडेट भर्सनमा लन्च गरेको छ । अपडेटपछि नयाँ अकोर्ड पहिला भन्दा स्पोर्टियर र शानदार देखिएको छ । कारमा ब्ल्याक आउट एलईडी हेडल्याम्प, होरिजोन्टल टेललाइट, ड्युअल कलर अलोय ह्विल र इन्टिग्रेटेड स्पोइलर जस्ता फिचर समावेश गरिएको छ ।

होन्डाले नयाँ अकोर्डको इन्टेरियर डिजाइन लक्जरीको झझल्को दिने कोशिश गरेको छ । कारमा ग्रे लेदरको प्रयोग गरिएको छ । यसको साथै कारमा बडी स्टेबलाइजिङ सिट, १२ स्पिकर सहित बोसको प्रिमियम साउन्ड सिस्टम, बडी टचस्क्रिन भएको इन्फोटेन्टमेन्ट सिस्टम, डिजिटल एमआईडी, स्टेयरिङ कन्ट्रोल्स, मेमोरी किट जस्ता फिचर दिइएको छ ।

सो कारमा कम्पनीले सबैभन्दा ठूलो अपडेट इन्जिनमा गरेको छ । सो कारमा कम्पनीले २ पेट्रोल र ४ हाइब्रिड इन्जिनको विकल्प समावेश गरेको छ । सो कारमा १८९ बीएचपीको पावर र २६० एनएमको टर्क जेनेरेट गर्ने १.५ लिटर टर्बाेचाज्र्ड फोर सिलिन्डर इन्जिन समावेश गरिएको छ ।

कारको इन्जिन सीभीटी प्रविधिको साथमा पेश गरिएको छ । कारमा हाइब्रिड इन्जिनको विकल्प पनि दिइएको छ । जसमा २ मोटर भएको २.० लिटरको एटकिंसन साइकिल इनलाइन फोर सिलिन्डर इन्जिन रहेको छ । सो इन्जिनले २०१ बीएचपीको पावर र ३३५ एनएमको टर्क जेनेरेट गर्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...