पोर्टफोलियो बढाउने तयारीमा हिरो मोटोकर्प, २०२५ सम्ममा ५० नयाँ प्रोडक्ट लन्च गर्ने

हिरो मोटोकर्प भारतलगायत विश्वको ठूलो टुह्वीलर म्यानुफ्याक्चर कम्पनी मध्ये एक हो । बजारमा दबदवा बनाउनको लागि कम्पनीले पोर्टफोलियो बढाउने तयारीमा रहेको छ । कम्पनीले हालै १० करोडौं बाइक रोलआउट गरेर कीर्तिमान कायम गरेको छ ।

कम्पनीले २०२५ सम्ममा ५० नयाँ प्रोडक्ट लन्च गर्ने योजना बनाएको छ । यसमा नयाँ मोडल, भेरिएन्ट र हाल उपलब्ध मोडलको फेसलिफ्ट भर्सन समावेश रहेको छ । हिरो ५ वर्षमा हरेक वर्ष १० नयाँ मोडल लन्च गर्ने काममा जुटिरहेको छ ।

हिरो कम्पनीले २०२० डिसेम्बर सम्ममा ४ लाख २५ हजार टु ह्वीलर बिक्री गरेको थियो । २०२० मा हिरोको ३७.६८ प्रतिशत बजार हिस्सा ओगटेको थियो ।

कम्पनीले ६ टु ह्वीलरको नयाँ सेलिब्रेशन एडिशन भेरिएन्टको घोषणा गरेको थियो । यसमा स्प्लेन्डर प्लस, एक्सट्रिम १६०आर, प्यासन प्रो, ग्लामर बाइक सहित डेस्टिनी १२५ र मेस्ट्रो एज ११० स्कुटर समावेश रहेको छ । नयाँ लिमिटेड एडिशन मोडल अर्काे महिना बिक्रीको लागि उपलब्ध हुनेछ ।