गत महिना हिरो इलेक्ट्रिकले बिक्री गर्यो १० हजार बढी स्कुटर, अन्यको अबस्था के ?

गत महिना भारतीय बजारमा हिरो इलेक्ट्रिकले १० हजार बढी युनिट स्कुटर बिक्री गरेको छ । अगष्ट महिनामा उसले १० हजार ४७६ युनिट इलेक्ट्रिक स्कुटर बिक्री गर्दै सर्बाधिक विक्री हुने इलेक्ट्रिक टु ह्विलर ब्रान्डमा पहिलो स्थान हाँसिल गरेको हो ।

इलेक्ट्रिक स्कुटरमा एकपछि अर्को आगालागीको घटना निम्तिएपछि विगत केही महिनायता भारतमा यस्ता साधनको बिक्री नराम्ररी प्रभावित बनेको थियो । जसको असर हिरो इलेक्ट्रिकमा समेत परेपनि पछिल्लो समय बजारले गती लिन थालेको छ ।

हिरोपछि दोस्रो सर्बाधिक बिक्री हुने ब्रान्डमा ओकिनावा दर्ज भएको छ । गत महिना ओकिनावाले ८ हजार ५५४ युनिट स्कुटर बिक्री गरेको छ । जुन जुलाइ महिनाको तुलनमा केही सय युनिट बढी हो । जुलाइमा उसले कुल ८ हजार ९६ युनिट स्कुटर बिक्री गरेको थियो ।

तेस्रो सर्बाधिक बिक्री हुने ब्रान्डमा एथर सामेल भएको छ । गत महिना उसले ६ हजार ४१० युनिट बिक्री गरेको छ । जुन जुलाईमा बिक्री भएको २ हजार ३८९ युनिटको तुलनमा २३७ प्रतिशतले बढी हो । एथर इनर्जीले सोहि महिना ४५० एक्सको नयाँ जेनेरेशन मोडल लन्च गरेको थियो ।

एम्पियरले कुल ६ हजार ३९६ युनिट बिक्री गर्दै चौथो स्थानमा कव्जा जमाएको छ भने सवैभन्दा बढी चर्चा कमाउँदै आएको ओला सूचीको पाँचौ स्थानमा परेको छ । ओलाले गत महिना कुल ३ हजार ४२१ युनिट स्कुटर विक्री गरेको छ ।