हेलमेटको एक्स्पायर डेट कति हुन्छ ? हेलमेट कहिले परिवर्तन गर्नुपर्छ ?

हेलमेट ट्राफिक नियमको अत्यावश्यक अंग भए पनि सेफ्टीका लागि यो झनै महत्वपूर्ण छ । ट्राफिक प्रहरीको कारवाहीबाट बन्चका लागि मात्र हेलमेट लगाउने पनि धेरै छन् । तर कैयौं पटक यस्तो गल्तीले गम्भीर घाइते वा ज्यान समेत जान सक्छ ।

तर हेलमेटको पनि एक्सपायर डेट हुने भएकोले कहिलेकाहीँ यसले समस्या पनि निम्त्याउन सक्छ । यस्तो अवस्थामा कहिले वा कुन अवस्थामा हेलमेट परिवर्तन गर्नुपर्छ त ?

हेलमेटको जीवन तबसम्म रहन्छ जबसम्म दुर्घटनामा पर्दैन वा दुर्घटनावश हेलमेट भुइँमा खस्दैन । हेलमेट गल्तीले पनि हातबाट भुइँमा खस्यो भने त्यही हेलमेटको जीवन समाप्त हुन्छ । तसर्थ, सधैं हेलमेट सुरक्षित राख्नु आवश्यक हुन्छ ।

रिपोर्टका अनुसार हेलमेट प्रतिष्ठित कम्पनीको भएमा यसको एक्सपायर डेट लामो हुन्छ र चाँडै बिग्रदैन । तर दुर्घटना भएको समयमा भने हेलमेट परिवर्तन गर्नुपर्छ किनकि दुर्घटनाको समयमा हेलमेटको भित्री भाग बिग्रने सम्भावना बढी हुन्छ ।

समयानुसार हेलमेटको भाइजरमा क्रयाक देखिन थाल्छ वा खराब हुन थाल्छ । तब त्यसलाई परिवर्तन गर्नुपर्छ । यसको ट्रान्सपेरेन्सीमा खराबी हुने भएकोले रातको समयमा यसमा पर्ने लाइट फैलिन्छ, जसले यसको भिजिबिलिटीमा कमी आउन थाल्छ र दुर्घटना हुने सम्भावना रहन्छ ।

हेलमेट खरिद गर्दा हेलमेटको डिजाइन, विन्डशिल्ड, चिन स्ट्रिप र थर्मोकोलमा विशेष ध्यान दिनुपर्छ । लोकल क्वालिटीको स्ट्रयाप चाँडै बिग्रन्छ । दुर्घटनाको समयमा यसले हेलमेटलाई समाइ राख्न सकिदैन । हेलमेट खरिद गर्दा यसमा भएको थर्मोकोललाई दबाएर हेर्नुपर्छ । थर्मोकोलमा औंला पस्नु हुँदैन । स्थानीय हेलमेटमा थर्मोकोलको गुणस्तर सबैभन्दा खराब हुन्छ ।

कार्बन फाइबरको हेलमेट सबैभन्दा हलुका र बलियो हुन्छ । हेलमेट किन्दा यसको साइजलाई ध्यानमा राख्नुपर्छ । यदि टाउकोको साइज ५८ सेमी छ भने ६० सेमीको हेलमेट किन्नुपर्छ । जसले गर्दा यसको फिटिङ राम्रो र आरामदायी हुन्छ ।

नयाँ हेलमेटको मूल्य १ हजारको हाराहारीमा छ भने सुरक्षाको दृष्टिकोणले राम्रो होइन । हेलमेट किन्दा यसको गुणस्तर र कामलाई हेर्नुपर्छ । यसले पनि हेलमेट कति राम्रो छ भनेर देखाउँछ ।