भीआर एक्स्प्लोरिङ एड्भेन्चर सम्पन्न, मनोरञ्जनात्मक कार्यक्रमका साथ राइडरलाई दिइयो उपहार

काठमाडौं – हार्टफोर्ड बाइकको नेपालका लागि आधिकारिक वितरक इग्निसन अटोले शनिबार ‘भीआर एक्स्प्लोरिङ एड्भेन्चर’ नामक टुरिङ कार्यक्रम आयोजना गरेको छ । सो अनुसार विहान ९ बजे हार्टफोर्डको त्रिपुरेश्वरस्थित सोरुमबाट टुरिङ -याली प्रारम्भ भएको थियो । हार्टफोर्डका नेसनल हेड समिर महर्जनबाट शुभारम्भ गरिएको सो -याली सुन्धारा, वीर अस्पताल, जमल, लैनचौर, लाजिम्पाट, महाराजगन्ज र बुढानिलकन्ठ हुँदै तारेभीर पुगेको थियो । त्यसपछि फेरि सुन्दरीजल ड्याम, चिसापानी हुँदै भोटेचौर पुगेर विभिन्न मनोरञ्जनात्मक कार्यक्रम गरिएको थियो । त्यसपछि साखु, थली र जोरपाटी हुँदै बौद्धस्थित इग्निसन अटोको सर्भिस सेन्टरमा पुगेर समापन भएको थियो । सो राइडमा ३६ वटा हार्टफोर्ड सवार ४० जना राइडरहरुले सहभागिता जनाएका थिए । १०५ किलोमिटर लामो मोटरसाइकल -यालीका लागि रोड क्यापटेन मनिशबज्र शाक्य थिए । लक्की ड्रमार्फत भुषणराज बज्राचार्य विजयी भएका थिए भने आर्म रेस्लिङमा नन्द महर्जन प्रथम भएका थिए । त्यसका साथै विंगो फुल हाउस विनर पनि भुषणराज बज्राचार्य नै बनेका थिए । सबैलाई हार्टफोर्डका तर्फबाट उपहार पनि प्रदान गरिएको थियो । नेपालमा नम्बर वान अफरोड बाइकको पहिचान कायम गरेको दावी गरिएको हार्टफोर्ड बाइकको नेपालभरका डिलरमार्फत बिक्री र बिक्री पछिको सेवा प्रवाह भइरहेको छ । नेपालमा आधिकारिक वितरक नियुक्त भए पश्चात इग्निसन अटोेले पहिलो पटक यस प्रकारको कार्यक्रम आयोजना गरेको हो ।