हार्टफोर्ड बाइक किन्दा मेभोक्स हेल्मेट सहित जम्मा २५ हजार बराबरको अफर

काठमाडौं – हार्टफोर्ड बाइक किन्दा दसैं तिहार अफरको रुपमा सबै गरी २५ हजार रुपैयाँ बराबरको अफर पाइने भएको छ । नेपालका लागि हार्टफोर्ड बाइकको आधिकारिक वितरक इग्निसन अटोले यो अफर ल्याएको बताएको छ ।

नयाँ बाइक किन्ने ग्राहकलाई बाइकको मूल्यमा १० हजार रुपैयाँ सम्म छुट हुने बताइएको छ । त्यसैगरी मेभोक्स हेल्मेट, बाइक कभर, लेग गार्ड आदि एसेसरिज तथा एक वर्षको सडक कर समेत निःशुल्क उपलब्ध हुनेछ । यी सबैको मूल्य करिव १५ हजार हुन्छ । यस अनुसार हार्टफोर्डका बाइक किन्दा सबैगरी २५ हजार रुपैयाँ जति छुट उपलब्ध हुनेछ ।

हाल नेपाली बजारमा भीआर १५० एच र २२३ एच गरी दुई मोडलका हार्टफोर्ड बाइक इग्निसन अटोले उपलब्ध गराइरहेको छ ।

यी बाइकको मूल्य क्रमशः ४ लाख ६५ हजार र ५ लाख ८५ हजार रुपैयाँ तोकिएको छ ।