अपडेट सहित हार्ले डेभिडसनको पहिलो मेड-इन- इन्डिया बाइक हार्ले डेभिडसन एक्स ४४० लन्च

हार्ले डेभिडसनले भारतीय बजारमा अपडेट गरिएको हार्ले डेभिडसन एक्स४४० लन्च गरेको छ । कम्पनीले बाइकमा नयाँ कलरसँगै फ्युल ट्याङ्कीमा नयाँ थ्रिडी बेज पनि दिएको छ । यो हार्ले डेभिडसनको पहिलो मेड-इन-इन्डिया बाइक हो र सो बाइक कम्पनीले हिरो मोटरकर्पसँगको साझेदारीमा बनाएको हो ।

कम्पनीले सो बाइक ७ भेरिएन्टमा लन्च गरेको छ । यसको मिड स्पेक एक्स४४० भेरिएन्टका लागि २ नयाँ रङ दिएको छ । कम्पनीले यो भेरियन्टलाई भिभिड नाम दिएको छ । कम्पनीले बाइकको एस भेरिएन्ट नयाँ ओरेन्ज कलरमा ल्याएको छ तर यसमा नयाँ सिल्भर ब्याजिङ भने छैन । यसबाहेक बाइकमा कुनै परिवर्तन गरिएको छैन ।

सो बाइकले रोयल इन्फिल्ड क्लासिक ३५०, रोयल इन्फिल्ड हन्टर, रोयल इन्फिल्ड मिटियोर, होन्डा सीबी३५०, होन्डा सीबी३५० आरएस, बेनेली इम्पीरियल ४०० र ट्रायम्फ स्पिड ४०० सँग प्रतिस्पर्धा गर्नेछ ।

नयाँ हार्ले डेभिडसन एक्स४४० मा स्क्वायरिश फ्युल ट्याङ्की, एलईडी डीआरएलको साथमा गोलो हेलाइट र हेडलाइटको माथि राउन्ड स्पिडो मिटर, चौडा ह्यान्डल बार, इन्डिकेटर र मिरर दिइएको छ । हेडलाइटको रिङमा एलईडी प्रोजेक्टर दिइएको छ । साथै यसमा गोलाकार इन्स्ट्रयुमेन्ट क्लस्टर जडान गरिएको छ ।

कम्पनीले हार्ले डेभिडसन एक्स४४० मा ४४० सीसी आयल कुल्ड, सिंगल सिलिन्डर इन्जिन दिएको छ, जसले२७ एचपी र ३८ एनएमको टर्क जेनेरेट गर्छ । यसको इन्जिन ६ स्पिड गियरबक्ससँग ट्युन गरिएको छ ।

सो बाइकमा एन्टी लक ब्रेकिङ सिस्टमको साथमा ड्युअल च्यानल एबीएस दिइएको छ । बाइकको ग्राउन्ड क्लियरेन्स २१० एमएम, फ्रन्ट टायर १८ इन्च र रियर टायर १७ इन्चको छ । यसमा टीएफटी युनिट पनि छ, जसले नेभिगेसन, कल र म्यासेजलाई व्यवस्थापन गर्छ । साथै यसमा युएसबी चार्जिङ सकेट पनि दिइएको छ ।