जिडब्लुएमको ‘टेस्ट ड्राइभ र एक्सचेन्ज क्याम्प’ प्रारम्भ

काठमाडौं – ग्रेटवाल मोटर्स (जिडब्लुएम) गाडीहरुको नेपालको लागि आधिकारिक विक्रेता भीजी इम्पेक्स प्रालिले नेपाली बजारमा उपलब्ध दुई एसयूभी थर्ड जेन ह्याल एच सिक्स र ह्यावल जोलायनका साथै पिकअप ‘पावर’ को टेस्ट ड्राइभ र एक्सचेन्ज क्याम्प’ प्रारम्भ गरेको छ ।

हिजो मङसिर ९ देखि शुरु भएको सो क्याम्प आगामी मङसिर १४ गते सकिने छ । यस क्याम्पमा इच्छुक जोसुकै पनि सहभागि हुन सक्नेछन् । सहभागी हुनका लागि इच्छुक व्यक्तिले थापाथलीस्थित ग्रेटवाल मोटर्सको शाोरुममा गएर बिहान १०ः०० बजे देखि बेलुका ५ः०० बजे भित्र निःशुल्क टेस्ट ड्राइभ तथा एक्सचेन्जको फाइदा लिन सक्ने छन् । यसका लागि जिढब्लुएमको फेसबुक पेज मार्फत बुकिङ्ग गर्न सकिने छ ।

टेस्ट ड्राइभका लागि आउने प्रत्येक ग्राहकहरुले आकर्षक उपहार पाउनुका साथै ४३ इन्चको एमआई स्मार्ट टीभी जित्ने मौका पाउनेछन् । सो क्याम्प अन्र्तगत ग्राहकले गाडी एक्सचेन्ज गरी बुकिङ्ग गर्न सक्ने र आकर्षक बोनस, नगद छुट, निःशुल्क एसेसरिज र सहज फाइनान्सिङको सुविधा पनि उपलब्ध हुनेछ । सबै ग्राहकहरुलाई गाडीहरुको विशेषता र फाइनान्सिङको बारेमा जानकारी गराउन अनुभवी विज्ञहरु उपस्थित रहने कम्पनीको भनाइ छ ।