सेवाग्राही र कर्मचारिका लागि ग्लोबल आइएमई बैंकको आफ्नै चार्जिङ स्टेशन

काठमाडौं–ग्लोबल आइएमई बैंक लिमिटेडले विश्व वातावरण दिवसको अवसर पारेर विद्युतीय सवारी साधन (इभी) चार्ज गर्न चार्जिङ स्टेशन स्थापना गरेको छ । बैंकले आफ्नो कर्पोरेट कार्यालय कमलादीमा उक्त चार्जिङ स्टेशन स्थापना गरेको हो ।
बैंकले स्थापना गरेको चार्जिङ स्टेशनमा ४० किलोवाट क्षमताको सिसिएस२ सिगंल गन राखिएको छ ।

उक्त चार्जिङ स्टेशनमा बैंकमा सेवाको लागि आउने ग्राहक र बैंकको कर्मचारीहरुलाई आफ्नो इभी गाडी चार्ज गर्न व्यवस्था गरिएको छ । पछिल्लो समय विद्युतीय सवारी साधनको प्रयोगकर्ता बढेसंगै बैंकमा आउने ग्राहकहरुको सवारी साधनलाई लक्षित गरी बैंकले चार्जिङ स्टेशन सञ्चालनमा ल्याएको हो ।

ग्लोबल आइएमई बैंकले सञ्चालन गरेको इभि चार्जिङ स्टेशनलाइै अन्य बैंक तथा वित्तीय संस्थाहरुले समेत अबलम्बन गर्ने विश्वास व्यक्त गरिएको छ । उक्त कार्यक्रममा बैंकका उच्च पदस्थ कर्मचारी र गाडी चार्जको प्रतिनीधीहरुको उपस्थिति रहेको थियो ।