दुल्ला ब्रान्डले ग्यारो डीटी ६० इलेक्ट्रिक स्कुटर प्रयोग गर्ने

काठमाडौं – नेपालमा उच्च गुणस्तरीय छालाका सामग्री उत्पादनका लागि प्रसिद्ध ब्रान्ड दुल्लाले ग्यारो डीटी ६० इलेक्ट्रिक स्कुटर खरिद गरेको छ । नेपालका लागि ग्यारो इलेक्ट्रिक स्कुटरको आधिकारिक वितरक क्लासिक ह्विल्स एक्सपोर्ट एन्ड इम्पोर्ट र दुल्ला बिच ती स्कुटरमा दुल्लाको लोगो सहितका कार्य गर्ने सहमति समेत भएको छ ।

यसबाट स्कुटरहरुमा दुल्ला लेदरको विशिष्ट पहिचान र ब्रान्ड मूल्य प्रतिबिम्बिति गर्ने समेत क्लासिक ह्विल्सको भनाइ छ । दुल्लाले वातावरणमैत्री यातायात समाधान प्रदान गर्नका लागि यी स्कुटर रोजेको बताइएको छ ।

ग्यारो डीटी ६० नेपाली बजारमा उपलब्ध सबैभन्दा बढी रेन्ज दिने इलेक्ट्रिक स्कुटर हो । यसले एक पटकको फुल चार्जमा ३५० किलोमिटरको रेन्ज दिने बताइएको छ । विश्वसनिय क्रुज कन्ट्रोल र इको, स्पोर्ट्स र ड्राइभिङ गरी तीन राइडिङ मोड रहेको सो स्कुटरमा रिजेनेरेटिभ र कम्बी ब्रेकिङ सिस्टम जस्ता फिचर रहेका छन् ।

यसमा भएको प्रयोगकर्तामैत्री डिजिटल डिस्प्लेले समयको जानकारी दिनुका साथै प्रत्येक सवारीलाई सजिलो र सुरक्षित बनाउछ ।

काठमाडौंको महाराजगञ्ज र टेकुका साथै पोखरा, धरान, बागलुङ, दाङ, धनगढी र बुटवल लगायतका शोरुममा सो स्कुटर बिक्रीका लागि उपलब्ध छ ।