क्रसफायर र इटालिका मोटोले फ्रि चेकअप तथा टेष्ट राइड क्याम्प आयोजना गर्ने

क्रसफायर तथा इटालिका मोटरसाइकलको आधिकारिक वितरक क्लासिक ह्विल्स एक्सपोर्ट एण्ड इम्पोर्ट प्रालिले तीन दिने फ्रि चेकअप तथा टेष्ट राइड क्याम्प आयोजना गर्ने भएको छ । महाराजगन्ज स्थित शोरुममा आयोजना हुने उक्त कार्यक्रममा ग्राहकले विभिन्न छुट र सुविधा पाउने जनाइएको छ ।

भोलीदेखी शुरु हुने सो क्याम्पमा ग्राहकले आफ्नो मोटरसाइकलको १६ प्वाइन्ट मेकानिकल र ९ प्वाइन्ट लुव्रिकेसन चेकअप निशुल्क गराउन पाउनेछन् । यसैगरी मोटरसाइकलको मर्मत सम्भार गर्दा प्रयोग हुने स्पेयर पार्ट्समा १५ प्रतिशत र लुव्रिकेन्ट्समा १० प्रतिशत छुट दिइने कम्पनीले वताएको छ । क्याम्प पुष ८ गतेसम्म अयोजना हुनेछ ।

उक्त कार्यक्रममा राइडरले क्रसफायर र इटालिका व्रान्डको नेपाली बजारमा उपलब्ध विभिन्न मोडलका मोटरसाइकल र स्कुटरको टेष्ट राइड समेत गर्न पाउने छन् भने ट्रेकर २५० मा एक्सक्लुसिभ चेकअपको सुविधा समेत उपलब्ध छ ।

आगमी दिनमा अन्य शोरुम र डिलरमा समेत यसप्रकारको कार्यक्रमलाई विस्तार गरिने कम्पनीले वताएको छ । डर्ट एवं एड्भेन्चर सेग्मेन्टमा लोकप्रियता कमाएको क्रसफायर विगत लामो समयदेखी नेपाली बजारमा उपलब्ध रहँदै आएको चर्चित व्रान्ड हो ।