सेडान भन्दा एसयूभी किन बढी लोकप्रिय ? यस्तो छ चार तथ्य

कार खरिदकर्ताहरु सेडान कार धेरै मन पराउँछन् र सेडान कार हेर्दा लक्जरी कार जस्तो पनि देखिन्छ । तर हाल खरिदकर्ताको सोच र रुचिमा धेरै परिवर्तन आएको छ । बजारमा एसयूभी कार चाहनेको संख्या बढ्दै गएको छ । एसयूभी कार सेडान भन्दा लोकप्रिय हुनुको केही कारण यस्तो छः

१. हाल बजारमा धेरै प्रकारका एसयूभीहरू उपलब्ध छन् । जसले गर्दा ग्राहकहरूसँग कार छनौट गर्नका लागि धेरै विकल्पहरू छन् । यसका साथसाथै कारको डिजाइनको सन्दर्भमा पनि खरिदकर्तालाई थप विकल्पहरू प्रदान गरिन्छ । अहिलेको अवस्थामा सब–कम्प्याक्ट र कम्प्याक्ट एसयूभीको माग बढ्दै गइरहेको छ ।

२. एसयूभीमा बसेपछि कार चालकलाई सडक एकदमै स्पष्टसँग देखेको अनुभव हुन्छ । किनभने कारमा ड्राइभर सिट अलिकति उचाइमा हुन्छ । एसयूभीमा बसेको व्यक्ति सेडान गाडीको तुलनामा ट्राफिक र आफ्नो वरपरका सवारी साधनहरुमा बढी सक्रिय हुन्छ । एसयूभीमा सडक सुरक्षा होस् वा व्यक्तिगत सुरक्षा दुवै अवस्थामा बढी आकर्षक हुन्छ ।

३. धेरै जसो एसयूभीमा हाई ग्राउन्ड क्लियरेन्स हुन्छ । कच्ची सडकमा पनि एसयूभी कारले कुनै झट्का दिदैन । यसले सवारी साधनमा बस्नेलाई कुनै समस्या पार्दैन । हाई ग्राउन्ड क्लियरेन्सको कारणले गर्दा कच्ची सडकमा पनि सजिलै चलाउन सकिन्छ । यसले कारको बडीमा पनि कुनै हानी गर्दैन ।

४. एसयूभी कार सेडान कार भन्दा बढी आरामदायी हुन्छ । एसयूभीमा बुट स्पेस बढी हुन्छ । जसले गर्दा यात्रुहरू लामो यात्रामा पनि आरामसँग बस्न सक्छन् ।