नेपाली सडकमा बढ्दै सेरेस ३ ईभी, यी ४ विशेषताले लोभ्याउँदै ग्राहक

नेपाली बजारमा एमएडब्लु वृद्धि अटोकर्पले भित्र्याएको नयाँ ब्रान्डको सेरेस ३ इलेक्ट्रिक एसयूभीको उपस्थिति बढ्दै गएको देखिएको छ । नेपाली सडकमा सेरेस ३ इलेक्ट्रिक एसयूभीको संख्या बढ्दै गएको देखिन्छ ।

सेरेस ३ मा भएका विभिन्न विशेषताका कारण सो एसयूभी चाहनेहरु बढ्दै गएको मान्न सकिन्छ । पछिल्लो समयमा विद्युतीय सवारी साधन ब्रान्ड समेत बढिरहेको समयमा नेपालमा सेरेस ३ मा भएका विभिन्न फरक विशेषताका कारण यसको चाहना गर्नेहरु बढिरहेका कम्पनीको भनाइ छ ।

सामान्य रुपमा हेर्दा यी ४ फरक विशेषताका कारण सेरेस ३ चाहनेहरु बढ्दै गएको मान्न सकिन्छ ।

ग्राउन्ड क्लियरेन्स
अहिले धेरै ग्राहकले चारपांग्रे सवारी साधन किन्दा ग्राउन्ड क्लियरेन्सको वारेमा बढी चासो गर्छन् । इलेक्ट्रिक सवारी साधनको सन्दर्भमा रेन्ज पछि धेरैको चासो ग्राउन्ड क्लियरेन्समै हुन्छ । अन्य सवारी साधनको तुलनामा बढी अर्थात १९० एमएम ग्राउन्ड क्लियरेन्स हुनु सेरेस ३ को राम्रो विशेषता हो । यसका कारण नै सेरेस ३ विद्युतीय सवारी साधनमा मात्र सीमित नभई लक्जरी, पावर र अन–रोड तथा अफ–रोड दुवै सडकमा आफ्नो क्षमताको प्रतिनिधित्व गर्ने सवारी साधन बनेको छ । नेपाली सडक धेरैजसो उबडखाबड हुने भएकाले पनि बढी ग्राउन्ड क्लियरेन्स आवश्यक हुन्छ र सो आवश्यकतालाई सेरेस ३ को ग्राउन्ड क्लियरेन्सले पुरा गरेको छ ।

साँच्चिकै एसयूभीको अनुभूति
सेरेस ३ को सिटमा बसेर स्टेयरिङ चलाउँदा साँच्चिकै एसयूभी चलाएको अनुभूति हुन्छ । यसको सिटमा बसेर हेर्दा चारैतिर देखिने दृश्यावलोकनले सो अनुभूतिलाई पूर्णता दिन्छ । निकै स्मार्ट ‘सिटिङ पोजिसन’ले ठूला एसयूभीको अनुभूति प्रदान गर्ने भएको कारण यसले झट्टै चालकलाई आकर्षित गर्छ । यसका साथै आवश्यक लक्जरीको अनुभव समेत यसले प्रदान गर्छ । आफ्नो सेग्मेन्टमा सबैभन्दा ठूलो एसयूभीको रूपमा परिचित सेरेस ३ ले आरामदायी डबल कुशन सिटहरूका साथसाथै पर्याप्त हेडरूम र लेगरूम प्रदान गर्छ । गाडीले भूगोल र अवस्था हेरेर ह्याण्डलिङको लागि ३ वटा स्टेयरिङ मोड प्रदान गरेको छ।

सडकमा देखिने सुन्दर उपस्थिति
गाडीमा विभिन्न विशेषता भएर मात्र हुँदैन । हेर्दा आकर्षक देखिने डिजाइन र लुक्सका कारणले समेत धेरैको मन लोभ्याउछ । यही फरक विशेषता सेरेस ३ मा पनि छ । सेरेस ३ निकै स्टाइलिस बडी डिजाइनमा तयार भएको छ । सडकमा देखिने विभिन्न मोडलका गाडीको भीडमा सेरेस ३ ले फरक र सुन्दर पहिचान कायम गरेको मानिन्छ । यसका कारण सडकमा गुडिरहेको देखिदा पनि यसको लुक्सले धेरैको मन लोभ्याउछ । अर्को अर्थमा यसको ‘रोड प्रेजेन्स’ राम्रो छ ।

फिचर लोडेड
हेर्दा साधारण भए पनि सेरेस ३ मा विभिन्न आकर्षक फिचर उपलब्ध छन् । चालक र यात्रु दुवैका लागि इलेक्ट्रिकल्ली एडजस्टेड सिटहरू, एचडी गुणस्तरको ३६० डिग्री क्यामेरा, ड्यासक्याम र एन्ड्रोइड अटो तथा एप्पल कार प्ले कनेक्टिभिटीका साथ रियल–टाइम अफलाइन जीपीएसले यसलाई थप प्रविधियुक्त गाडी बनाउँछ । हिटेड सिट, पावर विन्डोज, एडास प्रविधि जस्ता फिचर पनि यो गाडीमा उपलब्ध छन् ।

सेरेस ३ मा सेगमेन्टकै ठूलो अर्थात ५२५ लिटरको बुट स्पेस छ । कहिलेकाहिं सामान बोकेर कतै जानुपर्ने अवस्थामा ठूलो बुट स्पेस निकै नै उपयोगी हुन्छ । त्यसैगरी यसमा स्पेयर टायर समेत उपलब्ध हुन्छ ।

यस्ता विभिन्न विशेषता भएको सेरेस ३ मा ९९ किलोवाटको मोटर र ५२.७ किलोवाट आवरको ब्याट्री उपलब्ध छ ।