नाडा अटो शोमा आकर्षणको केन्द्र बन्दै फोटोन टुनल्यान्डका पावरहाउस प्रोडक्ट

काठमाडौं – नेपाली बजारमा फोटोन टुनल्यान्ड जी७ को सफल लन्चपछि यस पटकको नाडा अटो शोमा फोटोनका अन्य उत्कृष्ट गाडीहरू प्रदर्शनीमा राखिरहेका छन्।

यीमध्ये तीन प्रमुख मोडलहरू टुनल्यान्ड भी९, टुनल्यान्ड जी७ र ई–टुनल्यान्ड विशेष आकर्षण बन्नेछन्। यी सबै गाडीहरू उच्च पर्फर्मेन्स, दमदार एक्सटेरियर र भरपर्दो सुविधाका लागि परिचित भएको कम्पनीको भनाइ छ ।

नेपालका लागि फोटोनको आधिकारिक वितरक एमएडब्लु कमर्सियलले फोटोनका यी सवारी साधनहरु प्रदर्शन गरेको हो ।

हाइब्रिड पिकअप टुनल्यान्ड भी९ एक मजबुत र शक्तिशाली गाडी हो, जुन हरेक किसिमका सडक तथा ड्राइभिङ अवस्थाका लागि उपयुक्त छ। चाहे कामका लागि होस् वा मनोरञ्जनका लागि, साहसिक यात्रादेखि लामो दूरीको भ्रमणसम्म, यो सबैका लागि उपयुक्त छ। यसको शक्तिशाली इन्जिन र आकर्षक डिजाइनले नाडा अटो शोमा सबैको ध्यान खिच्ने पक्का छ।

टुनल्यान्ड जी७ नेपालमै ठूलो सफलता हासिल गरिसकेको एक स्टाइलिस पिकअप हो, जुन अहिले नाडा अटो शोमा प्रदर्शित भइरहेको छ। सहज ड्राइभिङ मन पराउने चालकहरूको रोजाइमा पर्न सफल यो मोडलले आकर्षक लुक, आरामदायी इन्टेरियर र मजबुत ड्राइभिङ अनुभव दिन्छ। यसको प्रदर्शन र आरामको स्तरले जो कोहीलाई प्रभावित पार्छ।

त्यसपछि अर्को मोडल ई–टुनल्यान्ड रहेको छ जुन इलेक्ट्रिक पिकअप हो । यसले टुनल्यान्डको हरित भविष्यतर्फको कदमलाई देखाउँछ। इन्धनरहित पिकअप ल्याएर टुनल्यान्डले वातावरणमैत्री विकल्प प्रदान गर्दैछ जसमा फोटोन टुनल्यान्डका गाडीहरूबाट सधैं अपेक्षा गरिने पावर र पर्फर्मेन्सका विशेषताहरू भने यथावत छन्।