बिक्री पछिको सेवालाई सुनिश्चित गर्दै ‘फोटोन टोटल केयर’

काठमाडौँ – फोटोनले ग्राहकहरूको विश्वासलाई अझ सुदृढ बनाउन फोटोन टोटल केयर मार्फत नेपालभर आफ्नो उपस्थिति मजबुत बनाइरहेको छ । यो पूर्णतया बिक्री पछिको सेवा प्रणाली हो, जसको उद्देश्य गाडी किनेपछि पनि ग्राहकलाई दीर्घकालीन सहायता प्रदान गर्नु हो ।

फोटोन गाडीको नेपालका लागि आधिकारिक वितरक एमएडब्लु बृद्धि कमर्सियलका अनुसार, देशभर फैलँदै गएको सञ्जाल, विश्वसनीयता, पहुँचयोग्य सेवा र ग्राहक सन्तुष्टिप्रतिको प्रतिबद्धतासँगै फोटोनले प्रत्येक गाडीधनीका लागि यात्राका दौरान उत्तम सेवाको सुनिश्चितता गर्दै आएको छ ।

हाल देशभर फोटोनका १७ वटा सेवा केन्द्र सञ्चालनमा छन्, जसले शहरदेखि ग्रामीण भेगसम्मका ग्राहकलाई भरपर्दो सेवा सहज रूपमा उपलब्ध गराउँदै आएको छ । यही विस्तृत सञ्जाल मार्फत् ग्राहकहरूले जुनसुकै स्थानबाट सर्भिसिंग, मर्मत सेवा तथा पार्टपुर्जाहरू सहजै प्राप्त गर्न सक्छन् । प्रशिक्षित प्राविधिक टोली र सेवाको छिटो उपलब्धताले गर्दा फोटोनले देशभरका प्रयोगकर्तामाझ बलियो विश्वास निर्माण गरेको छ ।

फोटोन टोटल केयर प्रमिसले सम्पूर्ण आफ्टर सेल्स सर्भिस प्रदान गर्छ । यसमा भरपर्दो आफ्टर –सेल्स सेवा, जेन्युइन स्पेयर पार्ट्स, वारेन्टी सुविधाहरू, रोडसाइड सहयोग र डेडीकेटेड कस्टमर केयर समावेश छन् । यो अल–इन–वान प्रणालीले सवारी साधनलाई राम्रोसँग चलाइराख्न, डाउनटाइम कम गर्न र फोटोन प्रयोग गर्ने व्यवसायीहरूलाई मानसिक शान्ति पनि प्रदान गर्छ । नियमित मर्मत गर्न होस् वा आकस्मिक समस्याका बखत, ग्राहकले फोटोनको छिटो र भरपर्दो सेवामाथि पूर्ण रूपमा भरोसा गर्न सक्छन् ।

हरेक सेवा केन्द्रमा फोटोन गाडीका लागि विशेष प्रशिक्षण प्राप्त प्रमाणित प्राविधिकहरू उपलब्ध छन् । फोटोनका सत् प्रतिशत जेन्युइन पाट्र्स प्रयोग गरेर ब्रान्डले दीर्घकालीन मजबुती, भरपर्दो प्रदर्शन र अधिकतम सुरक्षाको सुनिश्चितता दिन्छ । गुणस्तरप्रतिको यही प्रतिबद्धताले गाडीको आयु बढाउन र कठिन सञ्चालन अवस्थाहरूमा पनि कार्यक्षमता जोगाइराख्न मद्दत गर्छ ।

फोटोनको ग्राहकमैत्री दृष्टिकोण सर्भिस क्याम्प, क्विक रेस्पोन्स हेल्पलाइन र प्रोएक्टिभ फलो–अपहरूमा पनि देखिन्छ । यी पहलहरूले ग्राहकलाई सुसुचित रहन, गाडी उचित रूपमा मर्मत गर्न र समस्याहरूलाई चाँडो समाधान गर्न मद्दत गर्छन् ।

फोटोन टोटल केयर मार्फत ब्रान्डले विश्वसनीयता, ग्राहक सन्तुष्टि र दीर्घकालीन भ्यालुमा केन्द्रित सेवा मार्फत् बिक्रीपछि पनि निरन्तर साथ दिइरहेको छ । भरपर्दो सेवा, उच्च गुणस्तर र देशव्यापी पहुँचका साथ नेपालको बढ्दो मोबिलिटी आवश्यकतामा फोटोन निरन्तर प्रतिबद्ध छ ।