टुनल्यान्ड–ईको अपग्रेडेड भर्सन ३ दिनपछि नेपाली बजारमा लन्च हुने

फोटोन टुनल्यान्ड–ई पिकअपको अपग्रेडेड भर्सन ३ दिनपछि लन्च हुने भएको छ । नेपालका लागी आधिकारिक वितरक एमएडव्लु बृद्धि कमर्सियल भेइकल प्रालिले यो पिकअपलाई यसै महिनाको ९ गते लन्च गर्ने बताएको हो ।

यो नयाँ भर्सन थप सक्तिशाली र आकर्षक फिचरका साथ आउन लागेको जनाइएको छ । हाल कारोवार भैरहेको मोडलले लोकिप्रयता हाँसिल गरिरहेको सन्दर्भमा नयाँ भर्सन आउन लागेको र यसले झनै चर्चा बटुल्ने कम्पनीले विश्वास लिएको छ ।

यो अपग्रेडेड भर्सनमा २.० एल डिजेल इन्जिन जडान गरिएको छ । जसको अधिकतम पावर १४८ एचपी र टर्क ३२० एनएम रहेको छ । फोटोन मोटर्सले यसलाई स्लिक र मस्कुल वडी डिजाइनमा तयार गरेको छ । यसमा ६ फरवार्ड र १ रिभर्स ट्रान्समिसन जडान गरिएको छ, जसले एक्सेलेरेसन, राम्रो पर्फमेन्स र इन्धन बचत गर्न मद्धत गर्नेछ ।

रिभर्स क्यामेराको साथ टचस्क्रिन जडान गरिएको यो गाडीमा डुअल एयरव्याग, इविडी सहितको एबिएस लगायत सेफ्टि फिचर्स दिइएको छ । यसको ग्राउन्ड क्लिरियन्स समेत १० एमएमले बढेर आउनेछ । रेगुलर भर्सनमा २१० एमएम रहेको ग्राउन्ड क्लिरियन्सलाई बढाएर २२० एमएम पुर्याइएको हो ।