फोटोन टीएम१ को १०० युनिट ईभी भ्यान नेपाली सडकमा

काठमाडौं–फोटोन टीएम१ डेलिभरी भ्यानले नेपालमा १०० युनिट बिक्रीको आँकडा पार गरेको छ । टीएम१ ले सफलतापूर्वक १०० युनिट पार बिक्रीको आँकडा पार गरेको फोटोन गाडीको नेपालका लागि आधिकारिक वितरक एमएडब्लू वृद्धि कमर्सियलले जनाएको हो ।

कम्पनीले १०० युनिट पुगेको अवसरमा केक काटेर खुसियाली मनाएको छ । उक्त अवसरमा एमएडब्लू ग्रुपका प्रबन्ध निर्देशक विवेक सिकरिया, एमएडब्लू वृद्धि कमर्सियलका सीईओ तुषार गुप्ता, सेल्स हेड नविन आचार्य, मार्केटिङ प्रमुख प्रकाश सुवेदी लगायतको उपस्थिति थियो ।

टीएम१ नेपालमा आफ्नै व्यवसायिक यात्रा सुरु गर्ने चाहना राख्नेहरूका लागि पहिलो रोजाइको सवारी बनेको कम्पनीको भनाइ छ ।

कम्पनिका अनुसार, टीएम१ तरकारी, फलफूल, पानी, दूध, ग्यास लगायत दैनिक उपभोग्य सामान ढुवानी गर्नका लागि निकै भरभर्दो सवारी साधनका रुपमा परिचित छ । यसले नेपाली आवश्यकता अनुसारको डिजाइनमार्फत आफूलाई एक सक्षम व्यवसायिक सवारीको रूपमा प्रमाणित गरेको छ ।

नेपालमा टीएम१ ८ फिट र १० फिट लोडिङ डेक साइजमा उपलब्ध छ । सीएटीएल ब्याट्रीबाट सञ्चालित यस इलेक्ट्रिक सवारीले २८० किमी एनईडीसी रेन्ज दिने कम्पनीको दाबी छ ।

एमएडब्लू वृद्धिको भरपर्दो सर्भिसका कारण यस गाडीले कम मर्मत खर्चमै अत्याधिक फाइदा दिने सवारीका रुपमा आफ्नो पहिचान कायम गरेको छ ।