फोटोन मोटर्सको शाखा अब नेपालगन्ज र बुटवलमा

काठमाडौं – एमएडब्लु वृद्धि कमर्सियल भेइकल्स प्रालिले आफ्नो नयाँ शाखाहरु नेपालगन्ज र बुटवलमा विस्तार गरेको छ । पछिल्लो समय कमर्सियल गाडीको क्षेत्रमा आक्रामक बजार विस्तार गरिरहेको फोटोन मोटर्सले नेपालगन्ज र बुटवलमा शाखा विस्तार गरेको हो ।

नयाँ शाखाबाट फोटोन ब्रान्डका कमर्सियल गाडीहरुको जानकारी लिन, टेस्ट ड्राइभ तथा खरिद गर्न पाइने कम्पनीका सेल्स हेड नविन आचार्यले जानकारी दिए । उनका अनुसार यहाँबाट सेवाग्राहीले फोटोन गाडीका जेन्युइन पार्ट्स पाइनुका साथै पार्ट्स सम्बन्धी सम्पूर्ण जानकारीहरु र आफूलाई आवश्यक पाटर््सहरुको अवलोकन गर्न सकिन्छ ।

त्यति मात्र नभएर फोटोन गाडी बनाउँदा कहाँ र कुन मेकानिक्स उपयुक्त हुन्छ त्यसको बारेमा पनि सल्लाह सुझाव दिने गर्दछ । साथै देशका अन्य विभिन्न स्थानमा पनि आफ्नो शाखा छिट्टै खुल्ने आचार्यले जनकारी गराए ।

नेपालका लागि फोटोन मोटर ग्रुपको आधिकारिक विक्रेता एमएडब्लु वृद्धि कमर्सियल भेइकल्स प्रालिले फोटोन ब्रान्डका पिकअप टुनल्यान्ड ई, पिकअप टुनल्यान्ड एस, १९–सिट क्षमताको भ्यान भ्यु सीएस२ एल र १६–सिट क्षमताको भ्यान भ्यु सीएस२ सहित विभिन्न प्रकारका एम्बुलेन्सको कारोबार गर्दै आएको छ ।

यसका साथै कम्पनीले छिट्टै फोटोन ब्रान्डका अन्य गाडीहरु भित्र्याउने समेत जानकारी गराएको छ ।