फोटोनको १४ र १७ सिट क्षमताको इलेक्ट्रिक भ्यान नेपाली बजारमा, रेन्ज २३५ किलोमिटर

काठमाडौं– फोटोनको इलेक्ट्रिक प्यासेन्जर भ्यान नेपाल आएको छ । नेपालका लागि आधिकारिक वितरक एमएडव्ल्यू वृद्धि कमर्सियल भेइकल प्रालिले १४ र १७ सिट अप्सनमा यी भ्यान नेपाल ल्याएको हो । कम्पनीले यो भ्यानको मूल्य भने सार्वजनिक गरिसकेको छैन । अवको केही दिनपछि यसको औपचारिक विक्री शुरु हुने र सोही समयमा मूल्य समेत सार्वजनिक गरिने कम्पनी स्रोतको भनाई छ ।

यो इलेक्ट्रिक भ्यानमा ५०.२३ किलोवाट आवरको व्याट्री प्याक जडान गरिउको छ । जसलाई एकपटक फूल चार्ज गर्दा २३५ किलोमिटर रेन्ज पाउन सकिने दावी गरिएको छ । यसको पावर ८५ किलोवाट र टर्क २९० एनएम रहेको छ । यो भ्यानले यूरोपमा गुणस्तरको मापदण्ड पुरा गरेको कम्पनीले जनाएको छ ।

कम्पनीले यसअघि सोही पावरट्रेन जडित इलेक्ट्रिक कार्गोलाई नेपाली बजारमा लन्च गरेको थियो । विस्तारै अन्य रेन्जका इलेक्ट्रिक सवारी साधन पनि नेपाल ल्याउने र इलेक्ट्रिक भेहिकलको बिक्रीमा केन्द्रित हुँदै जाने कम्पनीको भनाई छ ।

फोटोन चीनको एक प्रतिष्ठित अटोमोवाइल कम्पनी हो । यसले इलेक्ट्रिक भेहिकल अन्तर्गत बस, कार, मोटरसाईकल र स्कुटरको समेत उत्पादन गर्दै आइरहेको छ । यसका उत्पादन विश्व बजारमा बिक्री वितरण भैरहेको छ ।