फोर्स मोटर्स र मर्सिडिज–बेन्ज साझेदारी, भारतमा २ लाखौं इन्जिन उत्पादन पूरा

भारतीय अटोमोवाइल निर्माता कम्पनी फोर्स मोटर्सले मर्सिडिज–बेन्जसँगको साझेदारीमा एक ठूलो औद्योगिक सफलता हासिल गरेको छ ।

कम्पनीले आफ्नो पुणेस्थित चाकण उत्पादन प्लान्टबाट २ लाख औं मर्सिडिज इन्जिन सफलतापूर्वक रोल आउट गरेको घोषणा गरेको छ ।

कम्पनीका अनुसार उत्पादन गरिएको २ लाखौं युनिट इन्जिन मर्सिडिजको अत्याधुनिक एम२५६ ६–सिलिन्डर इन्जिन हो । यो विशेष इन्जिन मर्सिडिज–बेन्जको प्रिमियम एसयूभी मोडल जेएलएस ४५० मा जडान गरिनेछ ।

फोर्स मोटर्स र जर्मन लक्जरी कार निर्माता मर्सिडिज–बेन्जबीच सन् १९९७ देखि व्यावसायिक सहकार्य रहँदै आएको छ । विगत २५ वर्षभन्दा लामो समयदेखि फोर्स मोटर्सले मर्सिडिजका लागि इन्जिनहरू एसेम्बल गर्दै आएको छ ।

हाल यस प्लान्टले इन्जिन मात्र नभई भारतमा उत्पादित मर्सिडिजका सबै सेडान र एसयूभी गाडीहरूका लागि आवश्यक एक्सलहरू समेत उत्पादन गर्दै आइरहेको छ ।