आउँदै छ फाइभजी प्रविधि : यसरी हुनेछ ड्राइभिङ एक्सपेरियन्समा परिवर्तन

फोरजी पछि अब नेपालमा पनि फाइभजीको चर्चा शुरु भएको छ । नेपाल टेलिकमले फाइभजीको परीक्षण गर्ने तयारी गरिरहेको छ । अन्य सेवा प्रदायकले समेत आगामी दिनमा यसका लागि आवश्यक कार्य गर्नेछन् ।

यो अवस्थामा फाइभजी प्रविधि भएमा कस्तो फरक अनुभव हुनेछ भन्ने वारेमा जानकारी राख्नु आवश्यक छ । फाइभजी टेक्नोलोजीबाट मोबाइल वा कम्प्युटर मात्र नभई ड्राइभिङ एक्सपेरियन्स समेत परिवर्तन हुनेछ । कारको फिचरका साथ कनेक्ट भएर फाइभजी प्रविधिले कारको अपरेसनमा तीव्रता ल्याउनुका साथै यसको पर्फमेन्स पनि अपग्रेड गर्नेछ ।

फाइभजी प्रविधिबाट सम्भावित दुर्घटनामा कमी हुनेछ भने सडकको अवस्था, ट्राफिक र मौसमको जानकारी समेत रियल टाइममा उपलब्ध हुनेछ ।

सफ्टवेयर अपडेसन र पर्फमेन्स पावर
हाल अधिकांश गाडी सफ्टवेयरमा आधारित हुन्छन् र डिजाइन गरिएको प्रोग्राममा काम गर्छन् । गाडीमा उपलब्ध सफ्टवेयरबाट कारको फङसन हुन्छ । समय समयमा यसलाई अपडेट पनि गर्नुपर्छ । अहिले सम्म सामान्य गाडीमा यो कार्य वर्कशपमार्फत पनि हुने गरेकोमा अब भने यो काम अझै राम्रो र तीव्रतापूर्वक हुनेछ ।

लक्जरी कारमा झन् धेरै सफ्टवेयर हुन्छन् र इन्टरनेट कनेक्टिभिटीको आवश्यकता हुन्छ । मोबाइल नेटवर्कको माध्यमबाट यसलाई अपडेट गरिन्छ । फाइभजी पश्चात कारको सफ्टवेयर आफै अपडेट हुनेछ र नेक्स्ट लेवलको ड्राइभिङ एक्सपेरियन्स हुनेछ ।

एडीएएसले दिनेछ रियल टाइम अपडेट
जुन कारमा एड्भान्स ड्राइभिङ असिस्टेन्ट सिस्टम (एडीएएस) हुन्छ, तिनका लागि फाइभजी एक वरदान सावित हुनेछ । एडीएएस यस्तो फिचर हो, जसले सडकको सबै अवस्था वारेमा जानकारी दिन्छ । सडकमा आउने मोड, खराब सडकको अवस्था, दुर्घटनाको आशंका, ट्राफिक र मौसम जस्ता सबै जानकारी कारको स्क्रिनमा देखिन्छ । यो क्लाउड कनेक्टेड हुन्छ र अन्य गाडीको डाटालाई पनि क्लाउडबाट कनेक्ट गरेर प्रोसेसिङ गर्छ । फाइभजी कनेक्टिभिटीले यो प्रोसेसलाई झै तीव्र गरिदिन्छ र रियल टाइम अपडेट उपलब्ध गराउछ ।

फास्ट अटोमोटिभ ड्राइभिङ
आजकाल ड्राइभरलेस अर्थात अटोमोटिभ ड्राइभिङयुक्त गाडी धेरै प्रचलित हुँदैछन् । टेस्लाका गाडी यसका लागि प्रचलित छन् । महिन्द्रा एक्सयूभी ७०० पनि यो फिचरयुक्त हुने बताइएको छ । यी गाडीमा सफ्टवेयर अपडेट आवश्यक हुन्छ । फाइभजीका कारण सो अपडेट तीव्र र सहज रुपमा सम्पन्न गर्न सकिन्छ ।