नयाँ जेनेरेसन महिन्द्रा स्कोर्पियोको पहिलो टिजर सार्वजनिक, छिट्टै लन्च हुने

नयाँ जेनेरेसनको महिन्द्रा स्कोर्पियो भारतमा सबैभन्दा प्रतीक्षित कार मध्ये एक हो । कम्पनीले हालै नयाँ स्कोर्पियोको पहिलो टिजर जारी गरेको छ । कम्पनीले नयाँ स्कोर्पियोको ३० सेकेन्डको भिडियो जारी गरेको छ । यो चाँडै लन्च हुने सम्भावना रहेको छ । कम्पनीले सन् २००२ मा स्कोर्पियोको पहिलो जेनेरेसन लन्च गरेको थियो ।

उक्त एसयूभीको एक्सटेरियरमा भर्टिकल स्लेटसहितको फ्रन्ट ग्रिल सेक्सनलाई पुनः डिजाइन गरेको छ भने सार्प प्रोजेक्टर एलईडी हेडल्याम्प, नयाँ फगल्याम्प हाउजिङ, फराकिलो सेन्ट्रल एयर इन्टेक, ट्विक गरिएको बोनेट संरचना, अग्लो पिलर, पुनः डिजाइन गरिएको अलोय ह्विल र रिभाइज्ड रियर बम्परले यसलाई बोल्ड बनाएको छ । एसयूभीको फ्रन्टमा एलईडी लाइटिङ इलिमेन्ट्स र नयाँ एलईडी टेलल्याम्प समावेश गरिएको छ ।

सो एसयूभीको इन्टेरियरमा नयाँ ड्यासबोर्ड र सेन्टर कन्सोल, सेमी–डिजिटल इन्स्ट्रयुमेन्ट क्लस्टर, माउन्टेड कन्ट्रोलसहितको फ्ल्याट–बटम स्टेयरिङ ह्विल, टायर प्रेसर मोनिटरिङ सिस्टम, ड्युअल टोन लेदर सिट अपहोल्स्ट्री, रियर एसी भेन्ट्स, वायरलेस चार्जर, सनरुफ जस्ता फिचर उपलब्ध छ । यसको साथै यसमा नयाँ टचस्क्रिन इन्फोटेनमेन्ट सिस्टम रहेको छ, जबकि टप इन्ड भेरिएन्टमा ६ वटा एयरब्याग, एडजस्टेबल हेडरेस्ट र ड्राइभर आर्मरेस्ट रहेको छ ।

नयाँ जेनेरेशन स्कोर्पियोको साइज पनि हालको मोडलभन्दा ठूलो हुनेछ । नयाँ महिन्द्रा स्कोर्पियोमा थारमा जस्तै २.२ लिटर ४ सिलिन्ड एमहर्क डिजेल इन्जिन र २.० लिटर ४ सिलिन्डर एमस्टालियन पेट्रोल इन्जिन जडान गरिएको छ । तर, यसमा रहेको पावर र टर्क रेसियो थारको भन्दा फरक हुन सक्छ । यसको टप भेरिएन्टलाई अल ह्विल ड्राइभ सिस्टम विकल्पको रूपमा पनि पेश गर्ने सम्भावना रहेको छ ।