विश्वको पहिलो सोलार इलेक्ट्रिक कार, जुन महिनौंसम्म चार्ज नगरी चल्ने छ

विश्वमा इलेक्ट्रिक कारको क्रेज बढेसँग अटो निर्माता कम्पनीले सोलारबाट चल्ने कारमा पनि काम गरिरहेका छन् । हाल बजारमा सोलारबाट चल्ने कार उपलब्ध छैन र यो कार बजारमा आउन अझै समय लाग्ने छ ।

नेदरल्याण्डको एउटा कम्पनीले सोलार कार सार्वजनिक गरेको छ । सम्भवतः यो संसारको पहिलो सोलार कार हो जसलाई लाइट ईयर ओ नाम दिइएको छ । सो कारमा सोलार इलेक्ट्रिक पावरट्रेन पनि लगाइएको छ, जसले एक पटक चार्जमा ७०० किलोमिटरको रेन्ज प्रदान गर्न सक्षम छ ।

कम्पनीले हाल सो कार युएईमा ल्याएको छ । कम्पनीले आफ्नो वेबसाइटमा सो कारको मूल्य २ लाख ५० हजार युरो राखेको छ । युएईका इच्छुक खरिदकर्ताहरूले कम्पनीको वेबसाइटबाट यो कार बुक गर्न सकिन्छ । अन्य ग्राहकहरूका लागि भने सो कार अर्को वर्ष बिक्रीका लागि उपलब्ध हुनेछ ।

रिपोर्टका अनुसार यो कार टेस्ला मोडल एस भन्दा दोब्बर दक्ष छ । लाइट ईयर ओ कार गर्मीको सिजनमा महिनौं चार्ज नगरी प्रयोग गर्न सकिन्छ । यसको टप स्पिड १६० किलोमिटर प्रतिघन्टा छ र यो सोलार इलेक्ट्रिक कारले १० सेकेन्डमा ० देखि १०० किलोमिटर प्रतिघन्टाको गति लिन सक्षम छ ।