एक्सयूभी–३०० को फेसलिफ्टमा पाइनेछ यी ‘फर्स्ट–इन–सेग्मेन्ट’ फिचर

काठमाडौं– महिन्द्राले आफ्नो लोकप्रिय सव फोर मिटर एसयूभी एक्सयुभी–३०० को फेसलिफ्ट यसै महिनाको २९ तारिखमा लन्च गर्दैछ । फेसलिफ्ट भर्सन भएपनि कम्पनीले यसलाई एक्सयुभी ‘थ्रिएक्सओ’ नामले ल्याउन लागेको हो । सो नयाँ एसयुभीमा कम्पनीले एक्सटेरियदेखी इन्टिरेरियर सम्मलाई रिफ्रेस गरेको छ ।

सव फोर मिटर एसयूभीमा राम्रो बजार पाइरहेको सो एक्सयुभीको फेसलिफ्ट भर्सनमा महिन्द्राले विभिन्न फर्स्ट–इन–सेग्मेन्ट फिचर दिने भएको छ । यसमा सेग्मेन्टमै ठूलो पानारोमिक सन रुफ दिन लागिएको छ भने वायरलेस स्मार्टफोन कनेक्टिभिटी सहितको १०.२५ इन्चको टचस्क्रिन इन्फोटेन्मेन्ट सिस्टम समेत उपलब्ध हुनेछ ।

साथै यसमा १०.२५ इन्चकै डिजिटल इन्स्ट्रयुमेन्ट क्लस्टर, डुअल जोन क्लाइमेट कन्ट्रोल, रियस एसी भेन्ट, टाइप–सी यूएसपी पोर्ट र ७ वटा स्पिकर सहित अपग्रेड गरिएको हर्मन कार्डोन म्यूजिक सिस्टम जस्ता सेग्मेन्टमै पहिलो फिचर समेत उपलब्ध हुनेछ । सेफ्टि फिचर अन्तर्गत यसमा ७ वटा एयरब्याग, ३६० डिग्री क्यामेरा र लेभल–२ एडिएएस फिचर सामेल हुनेछ ।

एक्सयुभी ३०० को रेगुलर भर्सनमा जस्तै यसमा पनि १.२ लिटर टर्बो पेट्रोल र १.५ लिटर डिजेल इन्जिनको विकल्प पाइनेछ । उक्त एसयुभीले बजारमा हुन्डाई भेन्यू, किया सोनेट, मारुती ब्रेजा, टाटा नेक्सन र निसान म्याग्नाइट लगायतसंग प्रतिस्पर्धा गर्नेछ ।