ई–कार, ई–स्कुटर पछि अब ई–एरोप्लेन : उड्यो विश्वको पहिलो इलेक्ट्रिक विमान एलिस

हालसम्म बजारमा ई–स्कुटर, ई–कार र ई–साइकल लन्च भइसकेको छ । तर अब इलेक्ट्रिक विमान पनि सार्वजनिक भएको छ । विश्वको पहिलो इलेक्ट्रिक विमानले आफ्नो पहिलो उडान सफलतापूर्वक सम्पन्न गरेको छ ।

इजरायलको एभिएसन एयरक्राफ्टले बनाएको यो अल इलेक्ट्रिक विमानलाई एलिस नाम राखिएको छ । यो शून्य एमिशन एयरोप्लेनले वाशिंगटनको ग्रान्ट काउन्टी अन्तर्राष्ट्रिय विमानस्थलबाट पहिलो उडान भरेको थियो । यस क्रममा ८ मिनेटसम्म सुरक्षित हावामा रहयो र त्यसपछि सामान्य अवतरण भयो ।

सो विमानको स्पिड ४८० किलोमिटर प्रतिघण्टा छ । यसमा ९ जनाले यात्रा गर्न सकिन्छ र यसले ४०० किलोमिटरसम्मको दुरी तय गर्न सक्छ । यसलाई २ घण्टासम्म सजिलै उडाउन सकिन्छ । सो विमानमा २५०० पाउण्ड अर्थात् करिब ११०० किलोग्राम बोकेर उडाउन सकिन्छ ।

इलेक्ट्रिक विमानले आफ्नो पहिलो उडान ३५०० फिटको उचाइसम्म उडेको थियो । कम्पनीले सो विमानका ३ वटा भेरिएन्टमा काम गरिरहेको छ । जुन हाल प्रोटोटाइप चरणमा छ । यसमा कार्गो भेरिएन्ट छ, दोस्रो ९ सिटर र तेस्रो कार्गोसहित ६ सिटर भेरिएन्ट हो । यी सबै भेरिएन्टहरूमा २ चालक दलका सदस्यको लागि ठाउँ पनि हुनेछ । एलिसमा ६४० किलोवाटको इलेक्ट्रिक मोटर जडान गरिएको छ ।