४ वर्ष सम्मको किस्तावन्दिमा एनआईयू स्कुटर, मासिक किस्ता ५ हजारभन्दा कम

काठमाडौं–एनआईयू स्कुटरको नेपालका लागि आधिकारिक वितरक इको इन्फिनिटी प्रालिले सरल किस्तावन्दिको योजना ल्याएको छ । कम्पनीले ल्याएको सो योजना अन्तर्गत ग्राहकले एनआईयूको इलेक्ट्रिक स्कुटर खरिद गर्दा ४ वर्षसम्मको किस्तावन्दि सुविधा पाउनेछन् ।

२० प्रतिशत डाउनपेमेन्ट गरेर वाँकी हुन आउने रकमलाई ४ वर्षसम्मको किस्तावन्दिमा स्कुटर खरिद गर्न सकिने कम्पनीले जनाएको हो । जसअन्तर्गत ग्राहकले मासिक ५ हजार भन्दा कम रकम किस्ता तिरे पुग्नेछ ।

मासिक १० हजारभन्दा कम तलव लिने ग्राहकले पनि यो योजनामा सहभागी भएर स्कुटर खरिद गर्न सक्ने कम्पनी स्रोतको भनाई छ । क्रेडिट कार्ड नभएका ग्राहकले समेत यस योजनामार्फत लाभ उठाउन सक्नेछन् ।

एनआईयूको नेपाली बजारमा एमक्यूआई प्लस स्पोर्ट, यूक्यूवाई जीटी, गोभा जी३ र एनक्यूआई स्पोर्ट गरी कुल चारवटा मोडलमा स्कुटर उपलब्ध छन् । यी स्कुटरको मूल्य क्रमश २ लाख ७६ हजार, २ लाख ७६ हजार, २ लाख ७७ हजार र ३ लाख ४८ हजार रुपैयाँ निर्धारण गरिएको छ ।