अर्थमन्त्रीले गरे क्षतिग्रस्त अटोमोबाइल शोरुमको स्थलगत अवलोकन

काठमाडौँ – अर्थमन्त्री रामेश्वर खनालले जेनजी आन्दोलनका क्रममा आगलागीबाट क्षति पुगेका थापाथलीस्थित विभिन्न अटोमोबाइल कम्पनीका शोरुमहरुका स्थलगत अवलोकन गरेका छन्।

खनालले थापाथलीस्थित अटो हबमा पुगेर टाटा, हुन्डाई, सुजुकी, आयोन, एक्सपेङ, महिन्द्रालगायतका शोरुमको अनुगमन गरेका हुन्। अनुगमनका क्रममा उनले आगलागीले पु-याएको क्षति नजिकैबाट बुझेका छन्। उनले सरकारले आवश्यक सहयोग गर्ने आश्वासन समेत दिएका छन् ।

अर्थसचिव घनश्याम उपाध्यायसहितको टोलीमा सहभागी खनाललाई नाडा अटोमोबाइल्स एसोसिएसन अफ नेपालका अध्यक्ष करण चौधरीसहितका व्यवसायीहरुले विस्तृत जानकारी दिएका थिए।

भदौ २४ गते भएको आन्दोलनका क्रममा थापाथली क्षेत्रमा रहेका दर्जन बढी शोरुममा आगजनी र तोडफोड भएको थियो । जसबाट व्यवसायीले करोडौं क्षति व्यहोर्नुपरेको छ ।