इलेक्ट्रिक क्रसओभरको रुपमा २०२४ मा पुनरागमन गर्दै फिएट पान्डा

अर्को वर्ष अर्थात जुलाई ११, २०२४ मा फिएटको १२५औं वार्षिकोत्सव हो । सो अवसरमा सबैलाई सरप्राइज दिने गरी फिएटले ‘भेरी स्पेसल’ सार्वजनिक गर्ने समाचार सार्वजनिक भएका छन् ।

फिएट पान्डा जस्तो देखिने सो कारको लुकले अहिले चर्चा पाएको छ । फिएटका बोस ओलिभर फ्रान्कोइसले पनि यो कुराको पुष्टि गरेका छन् । आफूहरले बी–सेगमेन्टको कार बजारमा ल्याउने तयारी गरेको उनले बताएका छन् ।

यसको लम्बाई करिव ४ मिटरको हुने र पान्डा जस्तै एप्रोच हुने उनको भनाइ छ । यस अनुसार फिएट पान्डा अर्को वर्ष क्रसओभर गाडीको रूपमा पुनरागमन गर्ने तयारीमा छ जसले डासिया सान्डेरोलाई टक्कर दिनेछ। यो कारले सन् २०१९ मा सार्वजनिक गरिएको सेन्टोभेन्टी कन्सेप्टबाट प्रेरणा लिनेछ र पान्डा जस्तो भविष्यको डिजाइन देखाएको छ।

पान्डाको इलेक्ट्रिक भर्सन उपलब्ध हुनेछ र यसको मूल्य हालको इन्ट्री लेवल फिएट ५०० ईभी भन्दा कम हुनेछ । सो गाडी ल्याटिन अमेरिका, मिडिल इस्ट र एसियामा उपलब्ध हुनेछ । त्यसैगरी यो जिप एभेन्जर र ६०० जस्तै सीएमपी प्लेटफर्ममा आधारित हुनेछ । यस अनुसार यो इलेक्ट्रिक र कम्बसन दुवै पावरट्रेनमा उपलब्ध हुनेछ ।