निसान गाडीमा फेस्टिबल अफर, अटो शोमा वुकिङ गर्नेलाई विशेष छुट

निसान गाडीको नेपालका लागि आधिकारिक वितरक पायोनियर मोटोकर्पले दशैं तिहार अफर सार्वजनिक गरेको छ । सवारीसाधन बिक्रीको मूख्य सिजन दशैं तिहारलाई लक्षित गरी ल्याइएको सो अफर अन्तर्गत ग्राहकले निशान गाडी खरिद गर्दा १३ लाख ७५ हजार २२६ रुपैयाँ वरावरको लाभ लिन सक्नेछन् ।

सो स्किम अनुसार ग्राहकले ८ लाख रुपैयाँसम्म नगद छुट, एक वर्षको इन्स्युरेन्स र रोड ट्याक्स निशुल्क पाउने भएका हुन् । साथै नाडा अटो शोमा वुकिङ लिने ग्राहकलाई विशेष नगद छुटको समेत व्यवस्था गरिएको कम्पनीले जनाएको छ ।

निसानको हाल नेपाली बजारमा म्याग्नाईट, किक्स, एक्सट्रेल, नभरा पिकअप र लीफ ईभी उपलब्ध छन् । अटो शोलाई लक्षित गरी कम्पनीले आफ्नो लोकप्रिय एसयूभी म्याग्नाईटको अटोमेटिक भेरिएन्ट लन्च गर्ने योजना बनाएको छ ।