तपाईसँग पुरानो गाडी छ भने पर्वोत्सव अफरसहित यसरी लिन सकिन्छ सुजुकीको नयाँ भिटारा ब्रेजा

नेपाली बजारमा सर्बाधिक बिक्री हुने कारको नाम लिदा सुजुकीको भिटारा ब्रेजा अग्रस्थानमा आउँछ । नेपाली बजारमा भिटारा ब्रेजा विभिन्न चार भेरिएन्टमा उपलब्ध छ । यी मध्ये सबैभन्दा सुरुवाती भेरिएन्टको मूल्य ४२ लाख ४९ हजार रुपैयाँ छ । भिटारा ब्रेजामा बीएस६ कम्प्लायन्ट १.५ लिटर के१५बी पेट्रोल इन्जिन समावेश गरिएको छ । सो इन्जिनले १०३ बीएचपीको पावर र १३८ एनएमको टर्क जेनेरेट गर्छ ।

तपाईसँग पुरानो कुनै पनि ब्रान्डको कार छ भने त्यसलाई एक्सचेन्ज गरी नयाँ भिटारा ब्रेजा लिन सकिन्छ । हाल सुजुकीले उपलब्ध गराइरहेको पर्वोत्सव अफर अन्तर्गत क्यास डिस्काउन्ट र विभिन्न बोनस समेत उपलब्ध हुन्छ । यसको सदुपयोग गर्न सकिन्छ ।

सुरुवाती भेरिएन्टको भिटारा ब्रेजा लिदा यसमा १ लाख ७० हजार रुपैयाँ नगद छुट उपलब्ध हुन्छ । त्यसैगरी पुरानो कारसँग नयाँ भिटारा ब्रेजा साट्दा १ लाख ५० हजार एक्सचेन्ज बोनस उपलब्ध छ । त्यसैगरी सुजुकीकै कुनै पनि पुरानो मोडलको कार भएमा लोयल्टी बोनसको रुपमा थप २० हजार रुपैयाँ छुट उपलब्ध हुन्छ ।

नयाँ गाडी किन्दा स्क्र्याच कुपन उपलब्ध हुन्छ र यसबाट कमसेकम २० हजार देखि बढीमा ७५ हजार रुपैयाँ सम्म छुट पाउन सकिन्छ ।

पुरानो गाडीसँग नयाँ भिटारा ब्रेजा साट्दा सबै अफरमार्फत छुट प्राप्त गर्दा गाडीको मूल्य करिव ३८ लाख ८९ हजार रुपैयाँ मात्र हुन्छ । यसरी व्यक्तिगत प्रयोजनका लागि गाडी किन्दा ५० प्रतिशत र कम्पनीमार्फत किन्दा ७० प्रतिशत सम्म फाइनान्स सुविधाको प्रयोग गर्न सकिन्छ ।

व्यक्तिगत प्रयोजनका लागि किन्दा शुरुमा ५० प्रतिशतको हिसाबले करिब १९ लाख ४५ हजार रुपैयाँ शुरुमा बुझाए पुग्छ । यसो गर्दा ७ वा ८ वर्ष सम्म बैंकले करिव ९ प्रतिशत ब्याजदरको हिसाबले फाइनान्स सुविधा उपलब्ध गराउने गरेका छन् । मासिक रुपमा ३० हजार रुपैयाँ जति बुझाउने गरी गाडी आफ्नो बनाउन सकिन्छ ।

कम्पनीमार्फत किन्ने हो भने ७० प्रतिशत रकम फाइनान्समार्फत उपलब्ध गराएर ३० प्रतिशत मात्र रकम शुरुमा बुझाउन सकिन्छ । यसो हुँदा करिव २७ लाख २२ हजार रकम फाइनान्स गराएर शुरुमा ११ लाख ६७ हजार रुपैयाँ मात्र शुरुमा बुझाए पुग्छ । यसो गर्दा मासिक रुपमा करिव ४३ हजार रुपैयाँ बुझाउनु पर्छ ।